1 Samuel 21:7 - Bible azumeina

⁷ Kur bur máma tamba sana aduk azungeîna hi Saul-lâ mi nga tchola avok Ma didina. Ni sama Edom-ma a yum ala Dowek; ni sama ngolâ hi suma pol aho’â hi Saul-lîna.

1 Samuel 21:7 Iomraidhean Croise

Ad’u Tinda 26:20

Suma pol suma Gerar-râ a nga yal tazi ki suma pola hi Isa’â ala: Mbiyo máma ni mamina. Isak mi yi golong ndata ala Esek, kayam azi yal ki sed’emu.

1 Sunda Hamuleinid’a 27:29

Sitrai ma Saron-na ni ma ngol ma yam suma a pol amuzlei suma a nga te hatna Saron-na. Safat Adelai goroma ni ma ngol ma yam suma a nga pol amuzleina woi abagei kur horina.

1 Sunda Hamuleinid’a 27:31

Jazis ma Hagar-râ ni ma ngol ma yam suma a pol aho’îna. Wana ni suma nglo suma a le sunda kahle suma djivina hamulâ David-na.

2 Sunda Hamuleinid’a 26:10

Mi min gong nga fiyak ka ndjola abagei hur fulâ, mi ka golongeîna ablaud’a mi, kayam mam nga ki d’uwarâ ablaud’a kur andagad’a kä ata yima ligitimid’a, a nga abagei hur fulâ mi, mi nga ki suma zuma ablaud’a ki suma ngom guguzlud’a abagei yam ahina d’a Karmel-la mi, kayam mam mi sama hurum ve zuma heîna.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Sunda hi suma hi Levi-nid’a 22:10

Ar angeina mi te he d’a hawa d’a a tinit irat vata d’i. Ma mba á kak avo hi ma ngat buzuna ndjöna, d’oze ma lum sunda yam beged’ina a te he d’a hawa d’a a tinit irat vata d’uo mi.

Sunda hi suma hi Levi-nid’a 22:13

Wani ma ngat buzuna gorom mba ti ar modonod’a bei vut gorîd’a, d’oze d’a ndjuvut mi digit tei bei vut gorîd’a, le ti hulong avo habut d’igi ndat ki weyeta na ni, ti te tena habutna, wani angeina mi te d’i.

Sunda hi suma hi Levi-nid’a 24:5

Ma didina mi de mi Moise kua ala: Ang yo afut ta adiged’id’a, ang gavungôna dogo yam mbà. Avungô ma lara pî afut mamba ni kilona karagaya karagaya.

Sunda hi suma hi Levi-nid’a 24:8

Kur bur ma sabat ma lara pî azi ndjar avungôna avogon an Ma didina teteu. Wana ni vun ma djin ma didin ma yam agi Israel-lîna.

Amos 8:5

Agi nga dagi ala: Til ma deî awilina mi dap mi mindja ba, ami mba fami lovota á guzumi awu mamina woi ge? Bur ma sabatna mba mi dap mi mindja ba, ami mba malami vun avurei mamina woi ge? Ami mba kami aneka hi kilonid’a woyo, ami mba djogomi gusa avogo, ami mba mbud’umi ir suma ki kilo ma ata yam mbuo na.

Matiye 15:8

Sum ndazina a nga hun ni ki vunazi hawa, wani huruzi woi dei ki sed’enu.

1 Samuel 11:5

Saul mi tcholï abagei hur asinena kamuzlei mama, mi djop ala: Suma a tchi na nana ge? Azi vum ad’u zla d’a suma sun suma tcholï Jabes-sâ a mba data.

1 Samuel 14:47

Bugol la Saul mi kak amula yam Israel-lîd’a, mi dur ki mam suma djangû suma a nguyuma, nala, ki suma Mowap-ma, ki suma Amon-na, ki suma Edom-ma, kamulei suma Soba-na, ki suma Filistê-na. Ata yima lara ge pet mi kus kaziya.

1 Samuel 21:8

David mi de mi Ahimelek kua ala: Ang nga kasap poze mbigeu d’a fiyak abong nguo zu? Kayam an hle nga mbigeu man nda fiyak koze va man ma sï d’i, kayam amulâ mi sunun natogo zak.

1 Samuel 22:10

Ahimelek mi tchen Ma didina kamu, mi hum tena, mi hum mbigeu d’a fiyaka hi Goliyat ma Filistê-nid’a mi.

1 Samuel 22:22

David mi de mi Abiyatar ala: An we kur bur máma tamba ala Dowek ma Edom-ma mi nga kua, mba mi ar bei de Saul li. A tchi sum mangâ pet ini ni kayam anu.

1 Samuel 22:9

Dowek ma Edom-ma ma nga aduk azungeîna hi Saul-lâ, mi hulong dum ala: An we Jesse goroma mi mba avo Nop gen Ahimelek Ahitup goroma.