1 Samuel 20:8 - Bible azumeina

⁸ Ang tak djivi manga woi mi an azong mangâ, kayam ang djin vunang ki an azong mangâ ki simiyê Ma didina. Le an le vama tcho ni, ni ang tanga ba, tchanu. Ni kayam me ba, ang in mabung mbeî ge?

1 Samuel 20:8 Iomraidhean Croise

Ad’u Tinda 24:49

Wani ki tchetchemba, le agi min tagagi djivi magid’a ki d’ingêr magid’a mi salana Abraham-mu ni, agi danu. Le d’uo ni, agi danu; an i iran abo ma ndjuf foze abo ma gulana.

Ad’u Tinda 47:29

Kid’a Israel mi ar go á matnid’a, mi yi goroma Josef, mi dum ala: Le ang hurung vanu ni, an nga ni tchenengû, ang kal abong ad’u ab’alan kä, ang le djivid’a ki sed’en ki d’engzenga, ang tozon ka hî Ezipte d’i.

2 Samuel 14:32

Apsalom mi hulong de mi Jowap ala: Gola! An ge sunda atang ala ang mbeï an sunung gen amulâ, ang dum ala: Ni kayam me ba, an tcholï Gesur ni mba ge? An kak sä dji kua pî ni hotei. Ki tchetchemba, an min ni we ir amulâ. Le an nga ki zlad’a kanu ni, ar mi tchanu!

1 Sunda Hamuleinid’a 12:17

David mi nde woi mi ngavaziya, mi dazi ala: Le agi mbagi geven ni ki halasa á ndjununu ni, hurun mba mi tchuk tu ki sed’egiya. Wani le agi mbagi ná mbud’un iran á han abo man suma djangûna ni, Alona habuyoi ngolona mi we, mi mba mi ngobogiya, kayam an le nga tcho d’i.

Sawal la giled’a 116:11

Kur tcha tata manda an dala: Suma pet ni suma ka zlad’a.

Zla d’a d’ogolâ 3:3

Ar ang wal lei ki djivid’a ki gagazid’a d’i. Ang djinizi kelengû, ang b’irizi kä kurung mi.

Sunda hi suma a sunuzinid’a 25:11

Le an ni sama tcho ma ni le vama ndak matnina ni, an noî nga matna d’i, wani le ahle suma azi tchugundji ki kana a le nga ata yazi d’uo ni, sama ndak á han abozina nga d’i. An yi Sesar ala mi kan sariya manda.

Josue 2:14

Sum ndazina a dat ala: Le ndak dami nga zlami woi d’uo ni, ami arami go á hami tami kagiya. Fata Ma didina mi hami ambasid’a, ami mba lak djivid’a ki d’engzenga mi.

Josue 22:22

Alona, Alona, Ma didina, Alona, Alona, Ma didina! Mi we, agi Israel-lâ, agi wagi mi. Le ami lami ni sun nda ata yat tuo d’a, le ami tchilami ni yam gata avok Ma didina ni, ar mi sud’umi kur bur ma wana d’i.

Wana ni mbaktum mba a b’irit yam Rut-ta 1:8

Naomi ti de makuniyôtna ala: Ki tchetchemba, agi hulongôgiya, nge nge pî mi i avo hasumu; ar Ma didina mi lagi djivid’a d’igi agi lagi djivid’a kandjuvuyogi suma a bona ki an na mi.

1 Samuel 18:1

Ata yima David dap zla mam mba ded’a mi Saul dapma, Jonatan amulâ Saul goroma, hurum ve David, mi le kam d’igi mam tamba na.

1 Samuel 18:3

Wani Jonatan azi ki David a djin vunaziya, kayam Jonatan mi le kam d’igi mam tamba na.

1 Samuel 20:16

Kayam Jonatan mi djin vunam kandjafâ hi David-na ala: Ar Ma didina mi sä David atchugulum ki mam suma djangûna.

1 Samuel 20:9

Jonatan mi dum ala: Ar ang djib’er ala an we ni nga d’a abun nga hurum kang á tchid’id’a ko ba, an dang nguo ni de na d’i?

1 Samuel 23:18

Azi djak a djin vunazi avok Ma didina. David mi ar kaka aduk agud’a; Jonatan mi hulong avo.