1 Samuel 20:32 - Bible azumeina

³² Jonatan mi hulong de mabum Saul ala: Ni kayam me ba, a tchum ge? Mi le ni me ge?

1 Samuel 20:32 Iomraidhean Croise

Ad’u Tinda 31:36

Jakob mi mbut ayîna, nga mi yal Laban, mi dum ala: Vama tcho ma an langzina ni me ge? Tcho man nda an lata ni lara ba, ang halan ad’un hina fufut ke?

Zla d’a d’ogolâ 22:24

Ar ang le darigïd’a ki sama ayîna d’i, ang tit ki sama hurum zal heîna

Ma tchi wala 7:9

Ar ang mbut ayîna atogo d’i, kayam sama lilid’a mi mbut ayîna atogo.

Ma tchi wala 9:3

Wana ni vama tcho ma nga mi le aduk suma yam andagad’a petna: Vama mi mba yam suma petna ni vama tu máma. Wani ata yima suma a nga kaka ki irazi yam andagad’a ka hina, huruzi mi ni oîd’a ki tchod’a ki guruta. Bugola, a bo woyo.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Matiye 27:23

Mi dazi ala: Ana, mi le ni tcho me ge? Wani azi dok er ad’uzi akulo ad’enga ala: B’alam akulo ata aguna.

Wana ni Zla d’a Djivi d’a Luc mi b’irita 23:22

Pilat mi dazi kua yam á hindid’a ala: Ana ge? Mi le ni tcho me ge? An fe nga zla d’a ndak á tchid’id’a kam mbi. Kayam ndata, an nga ni tomu, ni gum akulo.

Jean 7:51

Gat meid’a ka sariyad’a yam sana adjeu bei humum zla mamba bei we vama mi luma mi zu?

1 Samuel 18:11

Saul mi hlabom akulo kasapa nga mi pigid’ed’u, mi de kurum ala: An ngruvum asapa atam huyok gonga. Wani David mi fut abom fufut yam mbà.

1 Samuel 19:4

Jonatan mi de zla David djivid’a avok abum Saul, mi dum ala: Ang amulâ, ar ang le tchod’a á kak djangûna kazong mangâ David ti, kayam mam lang nga tchod’a d’i, wani mi le ni djivid’a ki sed’eng ngö.

1 Samuel 19:5

Mi he tam mbeyo, mi tchi ma Filistê-na. Ma didina mi le ki sed’em mi sut Israel-lâ pet sut ta ngola. Ang tang we ki irangû, ang le furîd’a. Ni kayam me ba, ang le tchod’a á tchi ma bei zlad’a kama David bei lovod’ot ke?

1 Samuel 20:1

David mi tchol ringâ avo Nayot go ki Rama, mi i mi fe Jonatan, mi dum ala: An le ni me ge? Tcho manda ni me ge? Tcho d’a an lat avok abunga ni me ba, mi halan á tchid’a ge?

1 Samuel 20:7

Le mi dang ala: Djiviya ni, ni halasa yam an azong mangâ. Wani le hurum zala ni, ang wala mi nga wa hurum kan á tchid’a.

1 Samuel 22:14

Ahimelek mi hulong de mamulâ ala: Ni nge ba, aduk azungeî mangâ pet, ni ma d’engzengâ d’igi akunongâ David na ge? Ni ma ge yam kä ad’u gat manga, a nga hum ngola avo hatangâ mi.