1 Samuel 2:8 - Bible azumeina

⁸ Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.

1 Samuel 2:8 Iomraidhean Croise

Ad’u Tinda 41:14

Ata yi máma, Faron mi he vuna ala a halï Josef. A ndumî woi kur dangeina atogo zak; mi wel dudumam mbeyo, mi tchuk baru ma djivina atamu, mi mba avok Faron.

Ad’u Tinda 41:40

An nga ni tining ngola yam leu manda; sum mana pet a mba ge yazi kä ad’u vun mang ma hed’a; an mba ni kalangî ki simiyên ma amula hol.

2 Samuel 7:8

Ki tchetchemba, ang i de mazong mana David ala: An Ma didin ma ad’engên kal petna ni dala: Ni an ba ni vangî ata yima pol tumiyôna á tining amula yam man suma Israel-lâ.

1 Amuleina 16:2

Ni an ba ni pad’angî aduk gugud’upa handagad’id’a, ni tining yam man suma Israel-lâ. Wani ang nga tit tchod’a d’igi Jerobowam na, ang nga zut Israel-lâ á le tchod’a, a nga zalan hurun ki tcho mazi d’a led’a.

2 Amuleina 9:6

Jehu mi tchol akulo, mi i ki sed’em kur gonga. Ma djok vun Alona mi vom mbulâ kamu, mi dum ala: Gola! Ma didina Alona hi Israel-lîna mi dala: An vong mbulâ kang ni tining amula yam man suma Israel-lâ.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Wana ni mbaktumba hi Job-pa 2:8

Job mi i kak kä aduk butna, mi hlazlunga á grik ki tamu.

Sawal la giled’a 102:25

An dala: Alo mana, ang ma nga kaka kur atchogoi d’a lara ge petna, ang hlan avok burun bei dapa d’i.

Sawal la giled’a 104:5

Ang tin andagad’a ni yam ad’ut ta ged’a; ti nga ni kaka hina ngingring bei gigeta ba gak didin.

Sawal la giled’a 107:41

Wani mi sut mam suma hou suma hohoud’a woyo, mi zuluzi andjavazi d’igi ades tumiyôna na.

Sawal la giled’a 24:2

Kayam mi gat ad’ut ni yam alum ma ngolâ, mi b’alat kä ad’enga ngingi yam mbina.

Sawal la giled’a 75:3

Alona mi dala: Ata yima an ngama, an mba ni ka sariya d’a irata.

Sawal la giled’a 75:4

Andagad’a kahle suma kurutna pet a mba giged’a, wani ni an ba ni sirat ad’ud’u. Tchol ndjö

Sawal la giled’a 75:7

He ngola mi sanid’a nga d’i tcholï nabo ma yorogona, d’oze abo ma fladegena, d’oze abo ma hur fulîna d’uo mi.

Ma tchi wala 4:14

Le gor azong máma mi ndeï ni kur dangeina d’oze a vud’umî sama houd’a kur leu mamba pî, mi ndak á tamula.

Isai 22:23

An mba ni b’alam kä d’igi suma a b’al pondena ata aguna na, mba mi kak yam zlam mba subura yam sum mama.

Daniel 2:48

Bugola, amulâ mi he ngola mi Daniel, mi hum he d’a hawa d’a ablau d’a ndjondjoîd’a mi, mi tinim á te yam andaga d’a Babilon nda pet ta azì ma ngolâ kuad’a, mi tinim ma ngolâ yam suma ne suma avo Babilon-na pet mi.

Daniel 4:17

Nga hurâ hi malaika suma ndjola ni vun ma hed’a hi suma a tinizi irazi vazina, tala ar suma a nga ki irazi yam andagad’ina a wala Alo ma sä akulo ma kal teglesâ nga mi te yam leud’a hi suma yam andagad’ina pet, nga mi hat mi sama mam hurum minima, nga mi hle yam suma bugolâ akulo mi d’a.

Daniel 6:3

Daniel mi kal ndrom suma nglo suma mbà ndazina ki satrap suma dingâ pet, kayam muzuk ma kal teglesâ mi nga kurumu. Kayam ndata, amulâ mi djib’er ala mba mi tinim ngola yam leud’a pet.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

Vama ndum mbeina 5:10

Ang mbud’uzi sum mama, ang mbud’uzi suma ngat buzuna á le sunda mAlo mamina. Azi mba te leud’a yam andagad’a mi.

1 Samuel 15:17

Samuel mi dum ala: Adjeu d’a ang gol tangî va d’uo d’a ang mbut nga amulâ yam andjafâ hi Israel-lîna d’uo zu? Ni Ma didina ba, mi tining amulâ yam Israel-lâ d’uo zu?