1 Samuel 2:30 - Bible azumeina

³⁰ Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Samuel 2:30 Iomraidhean Croise

1 Amuleina 11:11

Ma didina mi de mi Salomon ala: Kayamba ang le hina, ang ge nga yang kä ad’u vun ma djin ma ei djinizi aduk teina d’oze ad’u vun ma he ma an hangzina d’uo d’a, an nga ni prut leud’a woi abongû, an mba ni hat mazong mang ma dingâ tu.

1 Amuleina 2:27

Ni hina ba, Salomon mi dik Abiyatar rei kur sun mam mba ngat buzuna mAlonid’a. Hina mi ndak vun zla d’a Ma didina mi dat yam andjafâ hi ma ngol ma ngat buzuna Eli-na avo Silo-d’a.

1 Sunda Hamuleinid’a 17:18

an dok ni dangî zla me d’ei ge? Ang wan an azong mangâ.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

2 Sunda Hamuleinid’a 26:18

A tchol avok amulâ Oziyas, a dum ala: Oziyas, nga ni zla manga á ngal dubang ma his djivid’ina mi Ma didina d’i. Ni sunda hi suma ngat buzuna andjafâ hi Aron-na. Ni azi ba, a tinizi irazi vazi á ngal dubang ma his djivid’ina. Ang nde woi ata yima a tinim iram vama, ang le i hî ni sun nda ata yat tuo d’a; ni sun nda Ma didina mba mi suburung kat tuo d’a!

Sawal la giled’a 18:20

Mi ndan ndei ata yima tchona, mi gan akulo, kayam hurum vanu.

Sawal la giled’a 18:26

Sama d’engzengâ, ang nga tagam d’engzeng manga; sama d’ingêrâ, ang nga simid’am d’ingêr manga mi.

Sawal la giled’a 50:23

Sama nga mi he vama ngat buzu ma le mersid’ina, mi suburun ni anu; sama nga mi ngom tam kur tit mambina, an mba ni tagam sut manda mi.

Sawal la giled’a 73:20

Salad’a, ata yima ang tchol akulo á le sundina, azi mba dap pei d’igi sa ma adïd’a dum mi zlit akulo hawana na.

Sawal la giled’a 91:14

Ma didina mi dala: Kayamba mi le kanda, an mba ni prud’um mbeyo, an mba ni ngomom mi, kayam mi wan ndei tetet.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Buzuk ka Abud’a 28:43

Aron azi ki groma a tchugum ad’uzi ata yima a mba kal kur zlub’u d’a ngaf tad’ina, d’oze ata yima azi nga i ata yima ngal ahle suma ngat buzuna á le sun nda ngat buzuna ata yima kud’orina. Hina wani, azi mba le tchod’a d’i, a mba bo d’uo mi. Gat ndata arî gat ta didinda yam Aron azi kandjavam ma mba mi mba blogoma mi.

Buzuk ka Abud’a 29:9

Ang d’ak Aron azi ki groma furuzi ki talina, ang d’ud’uzi kadamula kazi mi. Sun nda ngat buzuna ti arî mazid’a, ti arî gata kazi gak didin. Ni hina ba, ang tin Aron azi ki groma kur sun ndata.

Zla d’a d’ogolâ 12:8

Suma a nga yor sana ni yam wäd’u mamba, wani sama hurum tchod’ina, suma a nga golom is.

Zla d’a d’ogolâ 4:8

Ang suburud’u, mba d’i hlang yang akulo. Le ang vat atang ped’ed’u ni, mba d’i mbut ni subur manga.

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Jeremi 29:32

Ni kayam ndata ba, an Ma didina ni dala: An mba ni mba á ngop Semaya kandjavamu. Sa mam mba mi kak adigagi á we djivi d’a an mba ni lat mi sum manid’a d’i, kayam mam zut sum mana á kak djangûna ki sed’enu.

Jeremi 49:15

Suma Edom-ma, gola! An hulongôgi yagi kä aduk andjaf suma, an mbud’ugi vama gol isâ aduk suma mi.

Ezekiyel 34:10

An Salad’a Ma didina ni dala: Gola! An nga ki zlad’a ki suma pola, an mba ni yo tumiyô mana woi aboziya, an mba ni arazi á pol tumiyô mana tala azi polî tazi gogod’a d’uo d’a, an mba ni prut tumiyô mana woi avunaziya, azi mba mbut ni va mazi ma ved’a d’uo d’a.

Daniel 4:34

Nebukanezar mi de kua ala: Bugol biza d’a kid’iziyad’a an hle iran akulo, djib’er manda ti mba. Ata yi máma an le Alo ma sä akulo ma kal teglesâ mersi, an gilemu, an subur mam ma bei matna ba ma nga mi te yamba gak didin ma nga mi te leud’a kur atchogoid’a katchogoid’ina.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Malatchi 2:3

Gola! An mba ni ngobogi andjavagiya, an mba ni kogi sutna iragiya – sud’o ahle suma agi ngad’andji buzunina; a mba yogi ki sed’em mi.

Ndumba 11:20

Wani agi mba mud’ugizi ni tilâ sop, gak mi hlagi hisâ mi kak atchinagi mi, kayam agi gologi Ma didin ma nga kaka adigagina is, agi tchigi avorom ala: Ni kayam me ba, mi buzugugï woi kur Ezipte ge?

Ndumba 35:34

Ar agi mbud’ugi ambas sa agi mba kagagi kua d’a an mba ni kak adigagid’a ndjendjed’a d’i, kayam an ni Ma didin ma nga kaka adigagina.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Jean 8:49

Jesus mi hulong dazi ala: An nga ki muzuk ma tchona kurun ndi. An nga ni he ngola mAbunu, wani agi minigi á han ngola d’i.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

Suma ka sariyad’a 9:10

Agu máma mi de mi tuluma ala: Ang mbeï tamula kamiya!