1 Samuel 2:3 - Bible azumeina

³ Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

1 Samuel 2:3 Iomraidhean Croise

1 Amuleina 8:39

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

Wana ni mbaktumba hi Job-pa 31:6

ar Alona mi ngan ki kilo ma d’ingêrâ, mba mi we gagazi manda.

Sawal la giled’a 147:5

Salad’a ni ma ngolâ, mi nga kad’eng nga kal papad’a, d’al mama ni ma bei dabid’ina mi.

Sawal la giled’a 17:10

A b’al huruzi kiki, a nga de zla d’a subur tad’a.

Sawal la giled’a 31:18

Ma didina, ata yima an nga ni yangâ, ang aran an mbut zulona d’i; ar suma asa’atna a mbut zulona, ar azi i kä azulei ki vunazi ma du’â.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

Sawal la giled’a 75:5

An nga ni de mi suma a subur tazina ala: Agi suburugi tagi d’i. An de mi suma asa’atna ala: Agi hlagi yagi akulo d’i.

Sawal la giled’a 94:4

Azi nga de zla d’a asa’ata, azi nga de zlad’a ki ngula. Suma a nga le sun nda ata yat tuo d’a pet a nga subur taziya.

Zla d’a d’ogolâ 16:2

Sama lara pî mi djib’er ala tit mamba pet ni djivid’a iramu, wani Ma didina ni ma we hur sumina.

Zla d’a d’ogolâ 24:12

Le ang dala: An we nga d’uo ni, Ma nga mi nga hurîna nga mi we d’uo zu? Ma nga mi ngomongâ, mi nga mi we d’uo zu? Ni mam ba, nga mi wurak nge nge pî yam sun mam mba led’a d’uo zu?

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Isai 26:7

Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Ezekiyel 35:13

Ndak tchol akulo, ndak dan zla d’a tchod’a kur zla mak ka ded’a, ndak zul zla mak ka ded’a kan kä hina wik. An hum zla ndata pet.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Daniel 5:27

TEKEL ad’ut nala Ngad’a: A ngang yam vama nga ahlena, a wala angî afefeta.

Malatchi 3:13

Ma didina mi dala: Zla magi d’a agi dandjid’a ni d’a asa’ata. Agi dagi ala: Ami dami ni zla me d’a tchod’a kang nge?

Hebre-na 4:12

Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a.

Josue 22:22

Alona, Alona, Ma didina, Alona, Alona, Ma didina! Mi we, agi Israel-lâ, agi wagi mi. Le ami lami ni sun nda ata yat tuo d’a, le ami tchilami ni yam gata avok Ma didina ni, ar mi sud’umi kur bur ma wana d’i.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Suma ka sariyad’a 9:38

Zebul mi hulong dum ala: Zla d’a ang dat fatid’a, ti nga ni lara ge? Ang dami ala: Abimelek ni nge ko ba, ei lum sunda ge d’uo zu? Ni suma ang golozi isâ d’uo zu? Ki tchetchemba, ang i atam durâ da’!

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.