1 Samuel 2:29 - Bible azumeina

²⁹ Ni kayam me ba, agi nga mired’egi vama ngat buzuna ki he d’a hawa d’a an he vuna kat á handji kur gong man nda kud’orid’a ge? Eli, ni kayam me ba, ang he grongâ ngola kalan an nge? Ni kayam me ba, agi nga d’orogi tagi kahle suma djivi suma kal man suma Israel-lâ a nga mbandji á handji he d’a hawad’ina ge?

1 Samuel 2:29 Iomraidhean Croise

2 Amuleina 12:6

Wani kur biza mam mba dok mbà yam hindi d’a mam tamulid’a, suma ngat buzuna a min nga gonga hi Ma didinid’a yat ma b’lak keina akulo d’i.

Sawal la giled’a 26:8

Ma didina, hurun ve yima ang nga kaka kuana, yima subur manga nga kuana mi.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Ezekiyel 34:10

An Salad’a Ma didina ni dala: Gola! An nga ki zlad’a ki suma pola, an mba ni yo tumiyô mana woi aboziya, an mba ni arazi á pol tumiyô mana tala azi polî tazi gogod’a d’uo d’a, an mba ni prut tumiyô mana woi avunaziya, azi mba mbut ni va mazi ma ved’a d’uo d’a.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Wana ni mbaktumba hi Oze-d’a 4:8

Ahle suma ngat buzu suma sum mana a nga hazi yam tcho mazid’ina a mbut ni te mazina. Ni kayam ndata ba, a min ala sum mana a i avogovok kur tcho d’a led’a!

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Matiye 22:16

A sun mazi suma hata azi ki suma hi Herot-na atamu. A djobom ala: Ma hat suma, ami wami ala angî ma gagazina, ang nga hat suma yam lovota hAlonid’a kur gagazid’a. Ang nga le mandara sa d’i, kayam ang nga ka ir sa d’i.

Wana ni Zla d’a Djivi d’a Luc mi b’irita 14:26

Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i.

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Gat ta a hat á mbàd’id’a 33:9

Azi suma a dala azi we nga abuyozi kasuyozi d’uo na, ni sumala a we nga b’oziyozina ki grozina d’uo mi na, kayam suma hi Levi ndazina a ngom zla manga ki vun mang ma djinda mi.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

Josue 18:1

Kid’a Israel-lâ a hlambasa dad’a, a tok tazi avo Silo, a ve zlub’u d’a ngaf tad’a kua kolâ.

1 Samuel 3:13

An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i.