1 Samuel 2:24 - Bible azumeina

²⁴ Grona, agi aragi zla ndata woyo. Ahle suma an nga ni humuzi kagi avun sumina nga djivi d’i. Agi ni zud’ugi suma hi Ma didinina á tchila yam gat mamba.

1 Samuel 2:24 Iomraidhean Croise

1 Amuleina 15:26

Mi le nga vama djivi avok Ma didina d’i; tit mamba ni tchod’a d’igi abum na. Mi le tchod’a dedege d’igi abum mi zut Israel-lâ á le tchod’a na mi.

1 Amuleina 15:30

Ahle ndazina a le hina pet, kayam Jerobowam mi le tchod’a, mi zut Israel-lâ á le tchod’a. Wana ni vama zal hur Ma didina Alona hi Israel-lâ ngolina.

2 Amuleina 10:31

Wani Jehu mi ge nga yam kä ad’u gata hi Ma didina Alona hi Israel-lîd’a ki hurum pet ti, mi wal nga ki tcho d’a Jerobowam mi lat mi zut Israel-lâ á le tchod’id’a woi tu d’uo mi.

Buzuk ka Abud’a 32:21

Moise mi de mi Aron ala: Sum ndazina a langî nana ba, ang arazi a le tcho d’a ngol ndata hina ge?

Malatchi 2:8

Ma didin ma ad’engêm kal petna mi dala: Wani agi d’ezegi woi kur lovota, agi mbud’ugi hat magid’a ni vama dap asema mi suma ablaud’a, agi b’lagagi vun ma djin ma an djinim ki suma hi Levi-nina.

Matiye 18:7

Ni zla d’a hohoud’a yam suma yam andagad’a suma a nga lahle suma a tchuk suma kur tchod’ina. Mbeî ahle suma a tchuk suma kur tchod’ina a mba mba, wani ni zla d’a hohoud’a yam sama mi mba kahle ndazinina.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

2 Korente-na 6:8

A nga suburumiya, a nga mbud’umi zulona mi; a nga dami zlami tchod’a, a nga dami zlami djivid’a mi. Azi nga golomi ni d’igi suma ka zlad’a na, wani ami dami ni zla d’a gagazid’a hol.

1 Timote 3:7

Mbeî ni sama suma bei he gagazid’ina a le glangâs ma djivina kama. Le ni hina d’uo ni, zulona mba mi lumu, Diable mba mi vum ki dauna mi.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

3 Jean 1:12

Suma ablaud’a a nga le glangâs ma djivina yam Demetriyus, gagazid’a tata nga d’i le glangâsâ kam mi. Ami nga lami glangâsâ kamu; ang wala glangâs mamina ni gagazi mi.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.

1 Samuel 2:17

Ni hina ba, Eli groma a nga le tcho d’a ngola avok Ma didina, kayam azi nga b’lak he d’a hawa d’a a nga mbamzid’a.

1 Samuel 2:22

Eli mi mbut mamara ngola. Ata yima mi hum ala groma a nga le tchod’a hina hina ki Israel-lâ, a nga bur karop suma a nga le sunda avun zlub’ud’a hAlonid’ina mi na,

1 Samuel 2:23

mi dazi ala: Ni zla me ba, an humut hina djeî ge? Ni kayam me ba, agi lagi hina ge? Suma pet a nga dan yam tit magi d’a tcho d’a agi nga tid’ita.