1 Samuel 19:5 - Bible azumeina

⁵ Mi he tam mbeyo, mi tchi ma Filistê-na. Ma didina mi le ki sed’em mi sut Israel-lâ pet sut ta ngola. Ang tang we ki irangû, ang le furîd’a. Ni kayam me ba, ang le tchod’a á tchi ma bei zlad’a kama David bei lovod’ot ke?

1 Samuel 19:5 Iomraidhean Croise

2 Samuel 23:10

Elazar mi ar tchola ngingring, mi tchi Filistê-na baba abom mi ar ngrufa ata mbigeu mam mba fiyaka ngingi. Ma didina mi hum ad’enga mi kus ayîna kur bur máma. Israel-lâ a hulongî blogom ná hurum ahlena hi suma mi tchazina hol.

1 Sunda Hamuleinid’a 11:14

Elazar máma ki sum mama a tchol kur asinena, a ngomomu, a dur suma Filistê-na. Ma didina mi hazi ad’enga á kus ayîna yam suma Filistê-na.

1 Sunda Hamuleinid’a 11:18

Ata yi máma suma hindi ndazina a b’at kangâ hi Filistê-nina kad’enga, a gulï mbiyo ma kur golong nga sä avun azì ma Betelehem-mid’a, a mbam mi David. Wani David mi tchum nga d’i, mi hum he d’a hawad’a mi Ma didina, mi vom kä woi andaga.

Sawal la giled’a 109:5

An nga ni lazi djivid’a, wani azi nga hulong lan tchod’a; an nga ni le od’a kaziya, wani azi nga noyônu.

Sawal la giled’a 119:109

An nga navun matna teteu, wani an mar nga yam gat manga d’i.

Sawal la giled’a 25:3

Suma a tin huruzi kangâ pet a mba mbut zulona d’i; suma a mba mbut zulonina ni suma a le suma tchod’a bei zlat ba na.

Sawal la giled’a 69:4

An seî wa abo tchina, delen ndi so wa ndandang, iran ndi so wa woi ngolol á djubung ang Alo mana.

Sawal la giled’a 94:21

Azi nga tok tazi á kak djangûna ki suma d’ingêrâ, azi nga ka sariya d’a matna yam suma bei zlad’a kazi ba na.

Buzuk ka Abud’a 14:13

Moise mi hulong de mi Israel-lâ ala: Agi lagi mandar ri, agi kagagi ata yagi hina djang, agi mba wagi ini sut ta Ma didina mba mi sud’ugi inid’a. Kayam Ezipte suma agi wazi ini wana, agi mba wazi bugol luo d’a.

Jeremi 26:15

Wani agi wagi woi tetet ala le agi tchanu ni, agi ki suma a nga kaka kur azì ma ngol ma wanina, agi hlagi ni buzuna hi sama bei zlad’a kama kagiya, kayam Ma didina mi sununï atagi gagazi á dagi zla d’a pet ta agi humugizi ki humagi wanda.

Matiye 27:24

Ata yima Pilat wala mam ndak á le va d’uo na, wani yala nga mi i avogovogo, mi gul mbina, mi mbus abom avok ablau suma. Mi dazi ala: Buzuna hi sama d’ingêr mámina nga kan ndi, ni zla magid’a.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Jean 15:25

Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Filip-ma 2:30

kayam mam ar go á matna yam sunda hi Christ-sa. Mi gol tamî va d’i á mban ahle suma ndjun suma agi tagid’a ndak á mbandji d’uo na.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Suma ka sariyad’a 12:3

Kid’a an we d’ala agi mbagi nga á sud’un nduo d’a, an he tan ndeyo, an i ata suma Amon-na durâ. Ma didina mi handji abonu. Ni kayam me ba, agi mbagi ini atan á durâ ge?

Suma ka sariyad’a 9:17

Kayam abun mi dur ayîna kagiya, mi he tam mbei avun ayîna, mi prud’ugi woi abo suma Madiyan-na.

1 Samuel 11:13

Wani Saul mi dazi ala: Ar sa mi tchi sa kur bur ma inina d’i, kayam bur ma inina ni bur ma Ma didina mi sut Israel-lâ kurâ.

1 Samuel 14:45

Wani azigarâ a de mi Saul ala: Jonatan ma kus ayî ma ngolâ á sut Israel-lâ wa na, mi ndak á tchid’a zu? Nga na d’i! Ki simiyê Ma didin ma bei matna, ami min tumus sa kamba tu pî ti nde kä d’i, kayam mam dur ayîna kur bur máma ni kad’enga hAlonid’a. Ni hina ba, azigarâ a prut Jonatan ndei avun matna.

1 Samuel 19:6

Saul mi hum vun Jonatan, mi gun tam ki simiyê Ma didina ala: Ma didina ni Ma bei matna; David va mba mi lum mbi.

1 Samuel 20:32

Jonatan mi hulong de mabum Saul ala: Ni kayam me ba, a tchum ge? Mi le ni me ge?

1 Samuel 22:14

Ahimelek mi hulong de mamulâ ala: Ni nge ba, aduk azungeî mangâ pet, ni ma d’engzengâ d’igi akunongâ David na ge? Ni ma ge yam kä ad’u gat manga, a nga hum ngola avo hatangâ mi.

1 Samuel 28:21

Atcha ndata ti mba gen Saul, ti wum nga mi le mandarâ ngola, ti dum ala: Gola! An wei manga ni humung vunangû, an he tan ndei á matna á hum zla d’a ang dandjid’a.