1 Samuel 19:23 - Bible azumeina

²³ Saul mi ge tam mi i iram abo ma Nayot-na go ki Rama. Muzu’â hAlonina mi vum mi; nga mi tit glovot nga mi djok vun Alona gak mi mbaza Nayot go ki Rama.

1 Samuel 19:23 Iomraidhean Croise

Zla d’a d’ogolâ 16:9

Sana nga mi nga hurum yam tit mamba, wani ni Ma didina ba, nga mi tagam yima tita.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Ndumba 23:5

Ma didina mi tin zlad’a avun Baläm, mi dum ala: Ang hulong gen Balak, ang i dum hina.

Ndumba 24:2

Mi hle iram akulo, mi we Israel-lâ a ve nga kang mazina ad’u andjavazi ad’u andjavaziya. Ata yi máma Muzu’â hAlonina mi kak kamu.

Matiye 7:22

Kur bur máma, suma ablaud’a a mba dan ala: Salamina, Salamina, ami djogomi zlad’a hAlonid’a woi ki simiyêng ngi? Ami digimi muzuk ma tchona woi ki simiyêng ngi? Ami lami sun nda ngol la atchapa ki simiyêng ngi?

Jean 11:51

Mi de zla ndata ni yam tam mbi, wani kayam mam mi ma ngol ma ngat buzuna kur biza ndata, mi djok vuna avok yam Jesus ala mba mi mit yam andjaf Juif-fâ,

1 Korente-na 13:2

Le an nga ki he d’a hawad’a á djok vun Alona, le an nga ki wed’a á wäd’u zla d’a mudurid’a pet, le an nga ki he gagazi d’a ndak á djok ahinad’a woid’a pî, le an nga ni le od’a d’uo ni, an ni va d’i.

1 Samuel 10:10

Wani ata yima Saul azi kazong mama a mba Gibeya, a ngaf kadesâ hi suma djok vun Alonina, Muzu’â hAlonina mi surop yam Saul, mi hut gevezi go, nga mi djok vun Alona d’igi azi na mi.

1 Samuel 10:12

Sama ding ma nga kaka avo Gibeya-na mi djop ala: Suma djok vun suma wana abuyozi ni nge nge ge? Ata yi máma zla ndata mbut ni zla d’a d’ogola; ti dala: Saul mi mbut wa ma djok vun Alona zu?

1 Samuel 10:6

Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.

1 Samuel 18:10

Tcha ndjivinda, muzuk ma tcho ma tcholï ata Alonina mi ve Saul, nga mi tcha tata kur gonga. David nga mi bu adingâ d’igi nga mi bum adjeu na. Saul mi nga kasapa abomu.

1 Samuel 19:18

Ni hina ba, David mi ring mi sut tamu, mi i gen Samuel avo Rama, mi dum ahlena pet suma Saul mi lazina. Bugola, mi i ki Samuel, a kak sä Nayot.

1 Samuel 19:20

Saul mi tchuk suma á veï David. Azi wades suma djok vuna a nga djok vuna, Samuel mi nga avoroziya. Muzu’â hAlonina mi ve suma hi Saul-lâ, azi tazid’a a nde djok vun Alona mi!

1 Samuel 19:22

Ata yi máma Saul tamba mi i Rama, mi mbaza avun golong nga ngol la so d’a Seku-d’a, mi djop ala: Yima Samuel azi ki David a nga kuana ni lara ge? A hulong dum ala: A sä ni Nayot go ki Rama.