1 Samuel 18:5 - Bible azumeina

⁵ Ata yima lara ge pet ma Saul nga mi sun David kuana, nga mi le sun mamba djivid’a. Ni hina ba, Saul mi tinim ngola yam suma dur ayîna; suma pet kazungeîna hi Saul-lâ, tazi nga d’i lazi djivid’a kam mi.

1 Samuel 18:5 Iomraidhean Croise

Ad’u Tinda 39:23

Ma ngol máma nga mi djib’er yam ahle suma mi hazi abo Josef-fâ d’uo d’a. Kayam Ma didina mi nga ki Josef, ahle suma mi lazina pet nga mi faziya.

2 Samuel 5:10

David simiyêm nga mi yï avogovogo; Ma didina Alo ma ad’engêm kal petna mi nga ki sed’emu.

2 Samuel 5:2

Avok ka Saul nga tamula kami tua d’a, ni ang ba, i ki Israel-lâ á durâ, ang hulong ki sed’ezi mi. Ma didina mi dang ala: Ni ang ba, mba pol man suma Israel-lâ, ang mba kak amulâ hi Israel-lîna mi.

2 Sunda Hamuleinid’a 17:3

Ma didina mi nga ki Josafat, kayam mi tit kur lovot ta d’ingêra d’igi abum ngolo David mi tit kur lovot ta d’ingêra kid’a mi tin ad’u tamulid’a na, mi djop nga alo ma a yum ala Bäl-lâ d’uo mi.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Sawal la giled’a 101:2

An mba ni kak tchugot á hum zla d’a suma d’engzengâ a data. Ni mindja ba, ang mba mba kan nge? An mba ni tit yam gagazi d’a kurunda avo huraziyanu.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Sunda hi suma a sunuzinid’a 7:10

mi pad’am mbei kur ndak mamba pet. Mi mbud’um sama djivi ma ned’a avok Faron amul ma Ezipte-na. Faron mi tinim á te yam Ezipte kaziyam pet mi.

Efes-sâ 5:17

Kayam ndata, ar agi kagagi d’igi suma lilid’a na d’i, wani agi b’ad’agi tagi á wäd’u vama Salad’a mi min ala agi lagiziya na.

Kolos-sâ 4:5

Ar agi tid’igi ki ned’a aduk suma bei he gagazid’ina, ar yina mi kalagi d’i.

Suma ka sariyad’a 1:19

Ma didina mi nga ki suma hi Juda-na. A hlazì ma yam ahinad’ina, wani a dik nga suma a nga kaka kur horina woi d’i, kayam azi nga ki pus ma kawei ma dur ayîna.

1 Samuel 13:2

Saul mi man suma aduk Israel-lâ 3000. Suma 2000 a kak ki sed’em Mikmas, a kak yam ahina d’a Betel-la mi; suma 1000 a kak ki Jonatan avo Gibeya d’a Benjamin-nda. Saul mi tchuk Israel suma a arâ a i avo hataziya.

1 Samuel 14:52

Kid’a Saul nga kur amul mambid’a, nga mi dur ayî ma tchona ki Filistê-na. Kayam ndata, Saul le mi we sama ad’engâ d’oze sama ndak mandjufîna ni, mi vum azigar mama.

1 Samuel 18:16

Israel-lâ ki suma Juda-na pet huruzi ve David, kayam mam nga mi ndabua, nga mi hulongî avo avoroziya.

1 Samuel 18:30

Ata yi ma amulei suma Filistê-na a nga buzuk abagei á dur ayîna ki Israel-lîna, David nga mi tchi suma ngola kal ndrom azungeîna hi Saul-lâ pet; kayam ndata simiyêm nde yïna ngola.

1 Samuel 18:4

Jonatan mi fok baru mam mba ngola, mi hat mi David, mi hum baru mam ma arigeina ki d’a didi’â mudjuk, mi hum mbigeu mam mba fiyaka ki yeû mamba ki d’ik mama mi.

1 Samuel 18:6

Kur hulong mazi d’a avod’a, ata yima David mi tchi ma Filistê-nina, arop suma kur azì ma Israel-lâ tetengâ a nga hle sawala ki ndjongâ á ngaf amulâ Saul. A nga bu daliyâd’a, a nga er ad’uzi akulo ki furîd’a kading ma ziyom hindina mi.

1 Samuel 3:19

Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i.