1 Samuel 18:28 - Bible azumeina

²⁸ Saul mi gol na, mi wala Ma didina mi nga ki David; goromba Mikal hurut vum mi.

1 Samuel 18:28 Iomraidhean Croise

Ad’u Tinda 26:28

Azi hulong dum ala: Ami wami tetet ala Ma didina mi nga ki sed’engû. Ni kayam ndata, ami min ala ei guni tei aduk teya, ei djini vuneya.

Ad’u Tinda 30:27

Laban mi dum ala: Ang humun djiviya; Ma didina mi dan ala mam b’e vunam kan ni kayam angû.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.

1 Samuel 18:20

Mikal Saul goromba hurut ve David; a mba de Saul zla ndata, mam hurum ve mi.

1 Samuel 18:27

David mi tchol ki sum mama, a iya, a tchi suma Filistê-na kikis mbà, a mba ki babak d’uwazi mamulâ d’igi mam ngamzi na á mbut akunoma. Ata yi máma Saul mi hum Mikal atchad’a.

1 Samuel 18:29

Saul nga mi le mandara David ngola, mi mbut ni ma djangû mama ki iram fafat.

1 Samuel 24:20

Le sana mi fe mam ma djangûna ni, mi aram mi i yi mama ki halasa zu? Ar Ma didina mi wuragang yam vama ang lum ki sed’en ini wana!

1 Samuel 26:25

Saul mi de mi David ala: Gorona, Alona mi b’e vunam kangû; sun nda ang lata pet ti labong djivid’a! David mi i yi mama; Saul mi hulong avo hatamu.