1 Samuel 18:17 - Bible azumeina

¹⁷ Saul mi de mi David ala: Goron nda ngola Merap wana, an mba ni hangzi atchad’a; ang durun ayîna kad’engêngû, ang dur ayîna hi Ma didinina. Mi djib’er kurum ala: Ar an tchumî an ndi, wani Filistê-na a tchumî aziya.

1 Samuel 18:17 Iomraidhean Croise

2 Samuel 11:15

Mi dum kur ala: Agi tinigi Uri ata yima ayîna zozogom kuana, agi yogi tagi woi blogomu, ar ayîna mi tchumu.

2 Samuel 12:9

Ni kayam me ba, ang gol zlad’a hi an Ma didinid’a is ba, ang lahle suma tchona avoron nge? Ang ar suma Amon-na a tchi Uri ma Het-na avun ayîna, ang vamamba, ang gat ad’ung atchad’a.

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

Sawal la giled’a 12:2

Ma didina, ang ndjunumiya! Sama d’engzeng nga d’uo d’a, suma d’ingêrâ a nga dap pei aduk suma.

Sawal la giled’a 55:21

Sama nana mi mbut ni ir buniyôma, mi b’lak vun mam ma djinda woi mi.

Zla d’a d’ogolâ 26:24

Sama noî sumina mi lop de zlad’a ni ki vunamu, hurum krovo ni mbut ira.

Zla d’a d’ogolâ 26:25

Le nga mi de zla d’a djivid’a ki vunam ko, ang he gagazid’a kam mbi, kayam ahle suma ndjendjed’a kid’iziya a nga kurumu.

Zla d’a d’ogolâ 26:26

Nga mi ngei noî ta mamba kä ki lem mamba, wani asa’at mamba ad’ut mba d’i nde woi aduk toka hi sumid’a.

Ndumba 21:14

Kayam ndata, a de kur Mbaktum mba dur ayîna hi Ma didinid’a ala: Ambas sa Vahep pa kur Sufa d’a avun hora halum ma Arnon-nid’a

Ndumba 32:20

Moise mi dazi ala: Le agi lagi sunda yam zla magi d’a ded’a, le agi yogi ahle suma dur ayîna agi durugi d’igi Ma didina mi he vuna na,

Ndumba 32:27

Ami azungeî mangâ, ami yomi ahle suma dur ayîna, ami i durumi ayîna yam vun ma hed’a hi Ma didinina d’igi ang salamina de na.

Ndumba 32:29

Mi dazi ala: Le andjafâ hi Gad-na kandjafâ hi Ruben-na a djak alum ma Jurdê-na ki sed’egi á dur ayîna yam vun ma hed’a hi Ma didinina, agi hlagi wa ambasa da ni, agi hazi ambas sa Galät-ta djona.

Gat ta a hat á mbàd’id’a 17:7

Suma glangâsâ a yo abozi akulo avok kikidji á tchumî aziya, ablau d’a peta ti yo abot ni bugolo. Hina wani, agi mba d’elegi tcho d’a led’a woi adigagiya.

1 Samuel 14:49

Saul grom suma andjofâ ni Jonatan, Jisvi ki Malkisua; grom suma aropma ni mbà, d’a ngola a yat ala Merap, d’a gora a yat ala Mikal.

1 Samuel 17:25

A de tazi ala: Sa máma mi djï atei wana, agi wum mbang zu? Sama tchuma, amulâ Saul mba mi mbud’um sama ndjondjoîna, mba mi hum goromba atchad’a, abum azi ki sum mama mba mi ve tara abozi d’uo mi.

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.

1 Samuel 17:47

Ablau suma tok pet wana a mba wala Ma didina nga mi min ni mbigeu d’a fiyaka ki djamba á kus ayîna d’i; mam tamba ni ma kus ayîna, mba mi hagi ini abomiya.

1 Samuel 18:21

Saul mi de kurum ala: An mba ni humziya, kayam ti mbut ni dauna á vumu. Ar suma Filistê-na a tchumu. Saul mi de mi David kua yam á mbàd’a ala: Ang mba mbut akunona ini.

1 Samuel 18:25

Saul mi dazi ala: Agi i dagi mi David ala: Amulâ nga mi min ni begena d’i, wani mi min ni babak d’iu Filistê-na kis á sä atchugulum ki mam suma djangûna. Saul mi le hina ná zut David abo Filistê-na.

1 Samuel 18:27

David mi tchol ki sum mama, a iya, a tchi suma Filistê-na kikis mbà, a mba ki babak d’uwazi mamulâ d’igi mam ngamzi na á mbut akunoma. Ata yi máma Saul mi hum Mikal atchad’a.

1 Samuel 25:28

An nga ni tchenengû, ang vat hurung ngei yam tchod’a hi an wei mangid’a. Kayam an we tetet ala Ma didina mba mi he lovota mi sum mangâ á te leud’a teteu, kayam ang nga kur ayîna hi Ma didinina. Kur kak mang nga yam andagad’id’a, a mba fe vama tcho atang ngi.

1 Samuel 30:26

Kid’a mi mbaza avo Siklak-ka, mi sun ahle suma mam prud’uzïna he d’a hawad’a mi suma nglo suma Juda-na, mi buniyôma, mi dazi ala: Wana ni he d’a hawad’a hahle suma an prud’uzï abo suma djangûna hi Ma didinina!