1 Samuel 18:12 - Bible azumeina

¹² Saul nga mi le mandara David, kayam Ma didina mi nga ki sed’emu, wani mi wal lei ki mamu.

1 Samuel 18:12 Iomraidhean Croise

2 Samuel 5:10

David simiyêm nga mi yï avogovogo; Ma didina Alo ma ad’engêm kal petna mi nga ki sed’emu.

2 Sunda Hamuleinid’a 17:3

Ma didina mi nga ki Josafat, kayam mi tit kur lovot ta d’ingêra d’igi abum ngolo David mi tit kur lovot ta d’ingêra kid’a mi tin ad’u tamulid’a na, mi djop nga alo ma a yum ala Bäl-lâ d’uo mi.

Sawal la giled’a 51:11

Ang hle irang ngei yam tcho manda, ang has tchila manda woi mi.

Sawal la giled’a 53:5

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Wana ni mbaktumba hi Oze-d’a 9:12

Le azi nga wul grozina pî, an mba ni yozi woi avok bei a djeng suma. Fata an mba ni wal ki sed’ezid’a ni zla d’a hohoud’a kaziya.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Marik 6:20

kayam Herot nga mi le mandara Jean, kayam mi wumu, ni sama d’ingêrâ, ni ma yed’etna mi. Mi ngomom djivid’a. Ata yima Herot mi hum zla mambina, nga mi djib’er kat ngola, nga mi humum ki furîd’a mi.

Wana ni Zla d’a Djivi d’a Luc mi b’irita 8:37

Suma kur ambas sa Gerazen-nda pet a le mandarâ, a tchen Jesus ala mi arazi andaga mazid’a. Ata yi máma, Jesus mi djak kur alumba, mi hulongâ.

Sunda hi suma a sunuzinid’a 24:25

Wani kid’a Paul mi dum zla d’a yam tit ta d’ingêrid’a, yam ve ta d’a yam hliu tad’id’a, yam sariya d’a nga d’i mbad’a mi d’a, Felix mi le mandarâ ngola. Mi hulong dum ala: Ki tchetchemba, ang iya; fata an fe wa lovota ni, an mba ni yangî tua.

Sunda hi suma a sunuzinid’a 7:9

Abuyoi ngolo ndazina a le yungôra yam Josef. A guzum mbei abo suma, a i ki sed’em Ezipte-na. Wani Alona mi nga ki sed’emu,

Suma ka sariyad’a 1:19

Ma didina mi nga ki suma hi Juda-na. A hlazì ma yam ahinad’ina, wani a dik nga suma a nga kaka kur horina woi d’i, kayam azi nga ki pus ma kawei ma dur ayîna.

Suma ka sariyad’a 16:20

Ti dum ala: Samson, golï Filistê-na kang nga! Mi zlit akulo, mi dala: An nga ni nde woi d’igi avok deid’a na, an nga ni prut tan ndeyo. Wani mi we nga d’ala Ma didina mi wal lei ki sed’emu d’a d’i.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 16:4

Samuel mi le d’igi Ma didina mi dum na. Kid’a mi i Betelehem-mba, suma nglo suma kur azinina a d’ugulomu, a nga ki mandarâ, a djobom ala: Ang mba ni hawa ko zu?

1 Samuel 18:15

Ata yima Saul mi wala sun mamba nga d’i labom djivid’a kur burâ ped’u na, nga mi lum mandaramu.

1 Samuel 18:20

Mikal Saul goromba hurut ve David; a mba de Saul zla ndata, mam hurum ve mi.

1 Samuel 18:29

Saul nga mi le mandara David ngola, mi mbut ni ma djangû mama ki iram fafat.

1 Samuel 20:13

ar Ma didina mi mban ndak ka ngol la kala kanu. Le ba abun nga hurum á lang tchod’a ni, an mba ni dangû, an arang ang iya, kayam ang i ki halasa. Ar Ma didina mi kak ki sed’eng d’igi mi kak kabun na mi.

1 Samuel 22:13

Saul mi dum ala: Ni kayam me ba, agi ki Jesse goroma agi ndjagagi vunagi kan nge? Ni kayam me ba, ang hum avungôna ki mbigeu d’a fiyaka, ang tchen Alona kam tala mi kak djangûna ki an mi burun kä woi d’igi mam nga mi le ini na ge?

1 Samuel 28:15

Samuel mi de mi Saul ala: Ni kayam me ba, ang b’lagan hurun ang ndanï woi akulo ge? Saul mi hulong dum ala: An nga kur djib’er ra ngola, kayam suma Filistê-na a ndan ayîna. Alona mi wal lei ki sed’enu, mi hulongôn nga humba avun suma djok vun ndoze kur adïd’a d’i. Ni kayam ndata ba, an yang ala ang tagan vama ndak á led’ina.

1 Samuel 3:19

Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i.