1 Samuel 17:52 - Bible azumeina

⁵² Azigar suma Israel-lâ ki suma Juda-na a nde sor sor ra ayîna, a digizi gak a izi avun azì ma Gat-na ki ma Ekron-na. Suma Filistê suma a fe dakina a bo kur lovot ta Särayim-mba gak Gat ki Ekron.

1 Samuel 17:52 Iomraidhean Croise

2 Samuel 23:10

Elazar mi ar tchola ngingring, mi tchi Filistê-na baba abom mi ar ngrufa ata mbigeu mam mba fiyaka ngingi. Ma didina mi hum ad’enga mi kus ayîna kur bur máma. Israel-lâ a hulongî blogom ná hurum ahlena hi suma mi tchazina hol.

1 Amuleina 20:21

Wani amul ma Israel-lâ mi ndabua, mi tchi akulumeina, mi b’lak pus ma dur ayîna teteng ngeyo, mi tchi azigar suma Siri-na ngingidjip mi.

Josue 15:11

Ti ndeza woi gen Ekron abo ma norâ, ti kongî abo ma Sikron-na, ti kal i yam ahina d’a Bäla-d’a, ti ndeza woi Japnel, ti dabï avun alum ma ngol ma Mediterane-na.

Suma ka sariyad’a 7:23

Israel suma hi Neftali-na, suma hi Aser-râ ki suma hi Manase-na pet a tok tazi a nga dik ad’u suma Madiyan-na.

1 Samuel 17:53

Israel-lâ a ar bei dik Filistê-na, a hulongî kur kangâ hi Filistê-na, a hurum ahle mazina.

1 Samuel 5:10

Ata yi máma na wat, azi hle zandu’â hAlonina, a im Ekron. Wani kid’a azi mbamza Ekron-nda, suma Ekron-na a tum siwela gandjau, a dala: A mba ki zandu’â hAlona hi Israel-lîna avo hatei ka hî ná tchï woi ki sum meina!

1 Samuel 5:8

Azi sun a yï amulei suma Filistê-na pet, a djobozi ala: Ami lami ni nana ki zandu’â hAlona hi Israel-lîna ge? Azi hulong dazi ala: Agi hlum im Gat. A hlum a im Gat mi.