1 Samuel 17:11 - Bible azumeina

¹¹ Ata yi máma Saul ki azigar mama pet a hum zla d’a ma Filistê-na mi data, a le mandarâ ngola, a nde zlak mi.

1 Samuel 17:11 Iomraidhean Croise

Sawal la giled’a 118:6

Ma didina mi nga kanu; an nga ni ring mandar ri. Suma a mba lan ni me ge?

Sawal la giled’a 27:1

Ni sawal la David mi hlata. Ma didina ni b’o manda ni ma sud’una; ni nge ba, an mba ni lum mandaram nge? Ma didina ni ma ngomona; ni nge ba, an mba ni zlak abom nge?

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Gat ta a hat á mbàd’id’a 31:8

Ma didina tamba mba mi tit avorongû, mba mi tit ki sed’engû, mba mi arang vang ngi, mba mi arang ngei d’uo mi. Kayam ndata, ang le mandar ri, vunadigang pat fek kuo mi.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

1 Samuel 13:7

Hebre suma dingâ a djak alum ma Jurdê-na, a ngei tazi yam andaga d’a Gat-ta ki d’a Galät-ta. Wani Saul mi nga Gilgal tua; azigar mama pet a nga zlak abo mandarâ.

1 Samuel 17:10

Goliyat mi de kua ala: Agi azigar suma Israel-lâ, an ndagi ayîna ini. Le agi ndagagiya ni, agi gandï sana tu ami durumi ayîna.

1 Samuel 17:12

David ni Jesse goroma. Jesse ni ma Efraim ma nga kaka Betelehem mba Juda-d’ina; groma ná klavandi. Kur atchogoid’a hi Saul-la Jesse bizam ngola, mi djeng mamara mi.

1 Samuel 21:13

David mi mbut tam lilid’a avoroziya, nga mi lahle suma ata yazi d’uo na adigaziya, nga mi b’ir ahlena akulo avun gongîyona, nga mi ar ayôna mi sor kä avunamu.

1 Samuel 7:7

Kid’a Filistê-na a hum ala Israel-lâ a nga tok Mispa d’a, mazi suma nglona a min tazi á ndazi ayîna. Ata yi máma Israel-lâ a hum zla ndata, a le mandarâ abo suma Filistê-na,