1 Samuel 16:14 - Bible azumeina

¹⁴ Muzu’â hi Ma didinina mi wal lei ki Saul; Ma didina mi sunï muzuk ma tchona nga mi lum ndaka.

1 Samuel 16:14 Iomraidhean Croise

2 Samuel 7:15

An mba ni ar bei lum djivid’a d’igi an ar Saul ba le djivid’a ni digim mbei ni vragang ang blangâm na d’i.

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

1 Amuleina 22:22

Mi dum ala: An i ni de zla d’a kad’a avun suma djok vuna hamulîna pet. Ma didina mi dum ala: Ang i lobomu, ang i le hina!

Sawal la giled’a 51:11

Ang hle irang ngei yam tcho manda, ang has tchila manda woi mi.

Wana ni mbaktumba hi Oze-d’a 9:12

Le azi nga wul grozina pî, an mba ni yozi woi avok bei a djeng suma. Fata an mba ni wal ki sed’ezid’a ni zla d’a hohoud’a kaziya.

Suma ka sariyad’a 16:20

Ti dum ala: Samson, golï Filistê-na kang nga! Mi zlit akulo, mi dala: An nga ni nde woi d’igi avok deid’a na, an nga ni prut tan ndeyo. Wani mi we nga d’ala Ma didina mi wal lei ki sed’emu d’a d’i.

Suma ka sariyad’a 16:29

Samson mi vabom ata grak ka mbà d’a aduk ka djik gonga akulod’a, mi vabom ma ndjufâ ata hid’a, mi vabom ma gulana ata hid’a mi.

Suma ka sariyad’a 9:23

Ata yi máma Alona mi sunï muzuk ma ka ira aduk Abimelek ki suma Sikem-ma. Suma Sikem-ma a nde mbut ir Abimelek.

1 Samuel 11:6

Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola.

1 Samuel 16:15

Azungeîna hi Saul-lâ a dum ala: Gola! Muzuk ma tcho ma tcholï ata Alonina nga mi lang ndaka.

1 Samuel 16:16

Salamina, ang hami vuna, ami halang sama we bu adingîna tu. Hina wani, le muzuk ma tcho ma tcholï ata Alonina mi mba atangû ni, ni mam ba, mba mi bu adingâ. Hina wani, tang mba d’i tuga.

1 Samuel 16:23

Wani ata yima muzuk ma tcho ma tcholï ata Alonina mi mba wa yam Saul-lâ, David mi hlading mama, mi nde mi bumu. Hina wani, Saul tam mbi tuga, muzuk ma tchona mi aramu.

1 Samuel 18:10

Tcha ndjivinda, muzuk ma tcho ma tcholï ata Alonina mi ve Saul, nga mi tcha tata kur gonga. David nga mi bu adingâ d’igi nga mi bum adjeu na. Saul mi nga kasapa abomu.

1 Samuel 18:12

Saul nga mi le mandara David, kayam Ma didina mi nga ki sed’emu, wani mi wal lei ki mamu.

1 Samuel 28:15

Samuel mi de mi Saul ala: Ni kayam me ba, ang b’lagan hurun ang ndanï woi akulo ge? Saul mi hulong dum ala: An nga kur djib’er ra ngola, kayam suma Filistê-na a ndan ayîna. Alona mi wal lei ki sed’enu, mi hulongôn nga humba avun suma djok vun ndoze kur adïd’a d’i. Ni kayam ndata ba, an yang ala ang tagan vama ndak á led’ina.