1 Samuel 16:13 - Bible azumeina

¹³ Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

1 Samuel 16:13 Iomraidhean Croise

2 Samuel 12:7

Ata yi máma Natan mi de mi David ala: Sama lahle ndazina ni angû! Ma didina Alona hi Israel-lâ mi dala: Ni an ba ni manang tining amula yam Israel-lâ; ni an ba ni sud’ung ngei abo Saul.

2 Samuel 2:4

Suma Juda-na a mba Hebron, azi tin David amula yam suma Juda-na. Suma a de mi David ala: Ni Jabes suma Galät-na ba, a tos Saulî aziya.

2 Samuel 23:1

Wana ni zla d’a de d’a dabid’a hi David-ta: Ni zlad’a hi an David Jesse goromid’a; ni zlad’a hi an ma Alona tinin ngolina, ma Alona hi Jakob-ma mi manan mi tinin amulina, ni an ma hle sawal la djivid’a hi Israel-lîna.

2 Samuel 5:3

Ni hina ba, suma nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron. Azi manam a tinim amula yam Israel-lâ.

2 Amuleina 9:6

Jehu mi tchol akulo, mi i ki sed’em kur gonga. Ma djok vun Alona mi vom mbulâ kamu, mi dum ala: Gola! Ma didina Alona hi Israel-lîna mi dala: An vong mbulâ kang ni tining amula yam man suma Israel-lâ.

1 Sunda Hamuleinid’a 11:3

Ni hina ba, nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron, a vom mbulâ kam á tinim amula yam Israel-lâ d’igi Ma didina mi de zlad’a avun Samuel na.

Sawal la giled’a 89:20

Kur bur tu ang nde tang ngeyo, ang de mi mang suma d’engzengâ ala: An had’enga mi man ma gangrang ma dur ayîna, an subur gor azongâ aduk suma.

Sawal la giled’a 89:21

An fazong mana David, an vom mbul man ma an tinim iram vama kamu.

Ndumba 11:17

An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Ndumba 27:18

Ma didina mi de mi Moise ala: Ang ve Josue Nun gorom ma nga ki Muzu’îna, ang tin abong kamu.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Sunda hi suma a sunuzinid’a 13:22

Kid’a mi pat Saul woi dad’a, mi tin David amul mazina. Alona mi le glangâsâ kam ala: An fe David Jesse goroma ni sama an hurun vum heîna, ni ma mba mi ndak vun ahlena pet suma an min ni lazina.

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

Suma ka sariyad’a 11:29

Muzu’â hi Ma didinina mi kak yam Jefte. Mi i yam andaga d’a Galät-ta kandagad’a hi Manase-d’a, mi kal mi i Mispe d’a kur andaga d’a Galät-tid’a á i yam andagad’a hi suma Amon-nid’a.

Suma ka sariyad’a 13:25

Muzu’â hi Ma didinina mi nde le sunda ki sed’em avo Mahane-Dan, aduk Sora ki Estawol.

Suma ka sariyad’a 14:6

Muzu’â hi Ma didinina mi kak yam Samson. Va nga abom mbi, mi pau azlo ma azong máma woi d’igi sana mi pau gor ahu b’ëna woi na. Mi de nga abum azi kasum yam vama mam luma d’i.

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

1 Samuel 1:19

Tcha yorogod’a Elkana ki sum mama a i grif kä avok Ma didina, a hulong avo hatazi Rama. Elkana mi zlap kamamba Anne. Ma didina mi hum tchen mata.

1 Samuel 10:1

Samuel mi hle gugur ra mbul la nga abomba, mi vo mbulâ yam Saul, mi vum atamu, mi dum ala: Ni Ma didina tamba ba, mi manang tining amula yam sum mama.

1 Samuel 10:6

Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.

1 Samuel 11:6

Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 18:12

Saul nga mi le mandara David, kayam Ma didina mi nga ki sed’emu, wani mi wal lei ki mamu.

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.