1 Samuel 15:11 - Bible azumeina

¹¹ An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.

1 Samuel 15:11 Iomraidhean Croise

Ad’u Tinda 6:6

mi mbut hat hurum yam le d’a mi le sana yam andagad’id’a. Kayam ndata, hurum zal ngola,

Ad’u Tinda 6:7

mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a.

2 Samuel 24:16

Ata yima malaikana abom nga tinda á b’lak Jerusalem-ma, Ma didina mi mbut hat hurum yam b’lak ndata, mi de mi malaika ma tchi suma máma ala: Ndaga! Ki tchetchemba, ang hlabong ngeyo! Malaikana hi Ma didina máma mi tchol go ki yima to awuna hi Arafna ma Jebus-sâ.

1 Amuleina 11:9

Ata yi máma Ma didina hurum zal yam Salomon, kayam mi wal lei ki mam Alona hi Israel-lâ ma nde tam mbei iram yam mbàna.

1 Sunda Hamuleinid’a 10:13

Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

1 Sunda Hamuleinid’a 21:15

Alona mi sunï malaika mama á b’lak azì ma Jerusalem-ma. Ata yima mam nga mi b’lagama, Ma didina mi we hina, wani mi nde hat hurum yam b’lak ndata, mi de mi malaika ma tchi mat máma ala: Ndak da’! Ki tchetchemba, ang gabong kä! Malaikana hi Ma didinina mi nga tchola go ki yima to awuna hi Ornan ma Jebus-sâ.

Wana ni mbaktumba hi Job-pa 34:27

Kayam azi wal lei ki sed’emu, azi tit nga yam gat mam tu d’i.

Sawal la giled’a 109:4

An nga ni le od’a kazi pî, a nga tchugun zlad’a kanu. Hina pî, an nga ni tchen yam man suma djangû ndazina.

Sawal la giled’a 110:4

Ma didina mi gun tamu, mba mi hulong bugol li. Mi dala: Angî ma ngat buzuna gak didin d’igi Melkisedek na.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Sawal la giled’a 36:3

Nga mi subur tam katam vam tala ar tcho mamba nde woi abu d’uo d’a, nga mi ar tcho mam ndata woi d’uo mi.

Sawal la giled’a 78:41

Azi hulong kugumu, azi b’lak hur Alo ma tin tam irat vat yam Israel-lîna.

Sawal la giled’a 78:57

Azi nga d’ingêr avorom mbi, azi mbud’um iram d’igi simiyêzi na, azi mbut ni d’igi yeû d’a bringîzlinga na.

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?

Buzuk ka Abud’a 32:14

Ma didina hurum b’lengâ, mi ar bei lazi tcho d’a mam hurum zal ala mi lat mi sum mama d’a woyo.

Jeremi 11:10

A hulong wa yam tchod’a habuyozi ngolo d’a avok ka a min humun zla manda d’uo d’a, a zlap wa kalo ma dingâ á kud’uromu. Israel-lâ ki suma Juda-na a but wa vun man ma djin ma an djinim kabuyozi ngolona woyo.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 34:16

Wani agi hulong bud’ugi vun magi ma djinda kä woyo, agi lazan simiyênu, agi nge nge pî mi hulong yo magumei suma andjofâ ki suma arop suma agi tchuguzi akulona, agi hulong nga oromozi kad’enga á mbut magumei magi suma andjofâ ki magumei suma aropma kua.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Jeremi 9:18

Ar a b’at tazi á tchi horâ ki delezi akulo keya, ar simina mi djang ireya, ar bizei ma ireina mi lap ki simina.

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Amos 7:3

Ma didina mi djok djib’er mamba, mi dala: Ahle ndazina a mba mba d’i!

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

Matiye 24:13

Wani sama mi ve tam ad’enga gak ad’u dabid’ina, mba mi fe suta.

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

Wana ni Zla d’a Djivi d’a Luc mi b’irita 6:12

Kur bur máma Jesus mi i yam ahinad’a á tchen Alona. Kur andjege ndata pet, nga mi tchen Alona.

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.

Josue 22:16

Ablaud’a hi Ma didinid’a ti dala: Ni kayam me ba, agi lagi tcho d’a ngola avok Alona hi Israel-lîna ge? Ni kayam me ba, agi walagi woi ki Ma didina ini agi minigi yima ngal ahle suma ngat buzuna yam tagi á kak djangûna ki sed’em ge?

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 13:13

Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin.

1 Samuel 15:10

Ata yi máma Ma didina mi de mi Samuel ala:

1 Samuel 15:3

Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.

1 Samuel 15:35

Samuel mi mit ni bei mi hulong gen Saul ba, kayam hurum b’lak yam Saul heî. Ma didina mi mbut hurum hata kayamba mam tin Saul amula yam Israel-lîd’a.

1 Samuel 15:9

Wani Saul ki azigar mama a ar Agak bei tchid’a kahlena pet suma djivina aduk d’uwarâ, nala, amuzleina, tumiyôna kahok suma gangrangâ, gro tumiyôna kahlena pet suma djivina; azi b’la’î ahle suma tcho suma zlazi nga d’uo na woi hol.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 8:6

Samuel tam lum nga djivi yam djop pa azi djobom ala mi tinizi amulâ d’a d’i. Samuel mi nde tchen Ma didina.