1 Samuel 14:39 - Bible azumeina

³⁹ An gun tan ki Ma didin ma bei matna ma suta hi Israel-lîna ala sama le tcho ndatina, le ni gorona Jonatan pî, a tchumu. Aduk azigarâ pet, sa hulongôm nga zla d’a de d’i.

1 Samuel 14:39 Iomraidhean Croise

2 Samuel 12:5

David hurum zal ngola yam sa máma, mi de mi Natan ala: Avok Ma didin ma bei matna, sa máma mi ndak á tchid’a!

2 Samuel 14:21

Amulâ mi de mi Jowap ala: Gola! An nga ni le vama ang dan kama; ang i veï Apsalom avo.

Ma tchi wala 9:2

Ahlena a mba yam suma nabo tazi tu. Vama mi mba yam sama d’ingêrîna, mi mba yam sama asa’atna ni na mi. Vama mi mba yam sama djivi ma yed’etnina, mi mba yam sama bei yed’etna ni na mi. Vama mi mba yam sama mi he vama ngat buzunina, mi mba yam sama nga mi he vama ngat buzuna d’uo na ni na mi. Vama mi mba yam sama djivinina, mi mba yam ma le tchod’ina ni na mi. Vama mi mba yam sama mi gun tama, mi mba yam sama mi le mandara gundina ni na mi.

1 Samuel 14:24

Kur bur máma Israel-lâ a fe ndaka, kayam Saul mi gunuzi ala: Sama te tena bei afata mbut fladege avok bei an sä atchugulun ki man suma djangûnina, sa máma gunda vumu. Sa tu pî, mi te nga va d’i.

1 Samuel 14:40

Saul mi dazi ala: Agi pet tchologi woi abo tu; ami ki gorona Jonatan tcholomi woi abo tu mi. A hulong dum ala: Ang le d’igi ang min na.

1 Samuel 14:44

Saul mi dum ala: Le ang Jonatan a tchang nga d’uo ni, Alona mi kan sariya d’a ngola kanu.

1 Samuel 19:6

Saul mi hum vun Jonatan, mi gun tam ki simiyê Ma didina ala: Ma didina ni Ma bei matna; David va mba mi lum mbi.

1 Samuel 20:31

Wani le Jesse goroma nga ki iram yam andagad’a tua ni, ang mba kak ki halasa d’i, leu manga mba d’i kak djivi d’uo mi; ki tchetchemba, ang sun i halamïya, a mbeyendjïya, kayam mi ndak á tchid’a.

1 Samuel 22:16

Amulâ mi de mi Ahimelek ala: A mba tchang ki sum mangâ pet.

1 Samuel 28:10

Saul mi gunut tam avok Ma didina ala: Ma didina ni Ma bei matna! Va nga mi lak kur zla ndata tu d’i.