1 Samuel 14:36 - Bible azumeina

³⁶ Saul mi dazi ala: Ei i ata Filistê-na andjege d’a wanda, ei i hurumuzi gak yina fo mbeî, ei arei sa karid’a d’i. Azigar mama a hulong dum ala: Ang lahlena pet suma ang hurung minizina. Wani ma ngat buzuna mi dazi ala: Ei djobei Alona tua.

1 Samuel 14:36 Iomraidhean Croise

Sawal la giled’a 73:28

Wani vama lan tan furîd’ina, ni d’ala an hut go geveng ang Alona d’a. Salad’a, Ma didina, an tin hurun ni kayam ang á de zla sun nda ang lata woi pet.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Jeremi 6:5

Agi tchologi akulo, ei i atat andjege, ei b’lageizi azì mat ma nglo ma ad’eng ma ngunguna woyo!

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Ndumba 27:21

Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Josue 10:19

Wani agi igi avogovok á dik magi suma djangûna, agi tchagi mazi suma asezi mi ar bugolâ woyo, agi arazi á kal avo hatazi d’i. Kayam Ma didina mi hagiziya wa abogiya.

Josue 11:14

Israel-lâ a yo ahle suma a hurumuzi kur azì ma nglo mamina pet ki d’uwarâ mi. Wani a dap suma tchid’a woi pet bei ar vama muzuk tu ba

1 Samuel 1:23

Elkana mi dat ala: Djiviya! Ndak le vama huruk minima, ndak kak ka hî gak gorâ mi ar apona tua. Ar Ma didina mi ndak vun vun mak ma hled’a. Anne ti ar kaka Rama á he gorotna apona.

1 Samuel 11:11

Tcha ndjivinda Saul mi wal azigar mama irazi hindi. Kid’a yina lá fod’id’a, azi tchuk kur kangâ hi suma Amon-nina, a tchazi gak afata tchol faleya. Suma a arâ a b’rau woi yayak, a nga fe suma hina mbà ata yima tuna d’i.

1 Samuel 14:3

Ma ngat buzu ma nga ata yi mámina ni Ahiya Ahitup goroma, mi nga ki baru d’a efod’a atamu. Mam mi Fines gorom ngolona. Ni Eli ma ngat buzu ma nga avo Silo adjeuna gorom ngolo ma mbàna. Ikabot ni Ahiya abum wiyema. Wani aduk azigarâ sa we nga ala Jonatan mi iya d’i.