1 Samuel 14:35 - Bible azumeina

³⁵ Saul mi min yima ngal ahle suma ngat buzuna mi Ma didina; ni yima ngal ahle suma ngat buzu ma avok ma mam minim mi Ma didinina.

1 Samuel 14:35 Iomraidhean Croise

2 Samuel 24:25

David mi min yima ngal ahle suma ngat buzuna mi Ma didina, mi he he d’a hawa d’a ngala kahle suma ngat buzu suma zlap darigïd’a mi. Ata yi máma Ma didina hurum b’leng ngei yam suma kur ambas sa Israel-lina; tugud’ei d’a tcho d’a tchi mat ndata ti ar Israel-lâ bei tchid’a mi.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

2 Timote 3:5

A mba golozi ni d’igi suma he gagazid’a d’igi ei na na, wani azi mba tin vunazi yam ad’eng mamba. Ang mbut azigang mi suma hina na.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Suma ka sariyad’a 21:4

Tcha yorogod’a ablau suma a min yima ngal ahle suma ngat buzuna kua kolâ, a he he d’a hawa d’a ngala, a he he d’a hawa d’a ngat buzu d’a zlap darigïd’a mi.

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.

1 Samuel 14:34

Bugola, mi dala: Agi igi aduk suma, agi dazi ala a mbei gevenu, nge nge pî kamuhl mama, d’oze timi mama, a mbei ngad’azi ka hî, a mud’uzi bei azi le tchod’a avok Ma didina tala azi mud’uzi ki buzuwazi tutumbu d’a. Kur andjege ndata nge nge pî mi mba ki va mama á ngad’am ata yi máma.

1 Samuel 7:12

Samuel mi hle ahinad’a, mi pat aduk Mispa ki Sen, mi yat ala Ebenezer, mi dala: Gak ini Ma didina nga mi ndjuniya.

1 Samuel 7:17

Bugol mi hulong Rama avo hatamu, nga mi ka sariyad’a yam Israel suma kur azì mamina mi. Mi min yima ngal ahle suma ngat buzuna mi Ma didina ni kua.

1 Samuel 7:9

Samuel mi ve gor timi ma tchapona, mi hum vama ngat buzu ma ngala mi Ma didina, mi ngalam mbei pepet, mi tchen Ma didina yam Israel-lâ; Ma didina mi humum mi.