1 Samuel 14:1 - Bible azumeina

¹ Bur tu Jonatan Saul goroma mi de mazong mam ma mi zim ahle mam suma dur ayînina ala: Ang mbei ï ata adesâ hi azigarâ hi Filistê ma sä abo hina. Wani mi de nga abum mbi.

1 Samuel 14:1 Iomraidhean Croise

Mise 7:5

Agi hagi gagazid’a yam banagi d’i, agi tinigi hurugi yam ma le kagi heîna d’uo mi. Ang ngom vunang avok atcha d’a nga d’i bur ki sed’eng kur zlat ma tunid’a.

Suma ka sariyad’a 14:6

Muzu’â hi Ma didinina mi kak yam Samson. Va nga abom mbi, mi pau azlo ma azong máma woi d’igi sana mi pau gor ahu b’ëna woi na. Mi de nga abum azi kasum yam vama mam luma d’i.

Suma ka sariyad’a 14:9

mi pad’am abomu, nga mi tum ira glovoyo. Kid’a mi mbaza gen abum azi kasumba, mi haziziya. Azi tumu, wani mi dazi nga ala mam pad’amï ni kur har ra azlona d’i.

Suma ka sariyad’a 6:27

Zedeyon mi yo suma aduk azungeî mama dogo, mi lahle suma Ma didina mi hum vuna kazina. Wani mi lazi nga ni falei d’i. Mi lazi nandjege, kayam mi nga mi ring mandara suma habuma ki suma kur azì ma ngolîna.

1 Samuel 13:2

Saul mi man suma aduk Israel-lâ 3000. Suma 2000 a kak ki sed’em Mikmas, a kak yam ahina d’a Betel-la mi; suma 1000 a kak ki Jonatan avo Gibeya d’a Benjamin-nda. Saul mi tchuk Israel suma a arâ a i avo hataziya.

1 Samuel 13:22

Kayam ndata, kur bur ma dur ayîna, azigar suma a nga ki Saul azi ki Jonatan-na a nga ki mbigeud’a kasap pi; a nabo amulâ Saul azi ki goroma Jonatan hol.

1 Samuel 13:23

Azigarâ hi Filistê-nina adesâ tu mi nde mi i kak ndjola avun lovot ta kal yam ahina d’a go ki Mikmas-sa.

1 Samuel 14:2

Saul mi nga kaka ir haga d’a Gibeya-d’a ad’u agu ma a yum ala grenat ma nga Migron-na. Azigar suma ki sed’ema a ni go ki kikis karagaya.

1 Samuel 25:19

Ti de mazungeî matna ala: Agi igiza avoronu; an ni iza blogogiya. Ti de nga mi ndjuvut Nabal li.