1 Samuel 13:14 - Bible azumeina

¹⁴ Wani ki tchetchemba, leu manga mba d’i kak didin ndi; Ma didina mi man wa sama mam hurum minima, mi tinim wa amula yam sum mama. Ni kayamba ang ngom nga vun mam ma hed’a d’uo d’a.

1 Samuel 13:14 Iomraidhean Croise

2 Samuel 5:2

Avok ka Saul nga tamula kami tua d’a, ni ang ba, i ki Israel-lâ á durâ, ang hulong ki sed’ezi mi. Ma didina mi dang ala: Ni ang ba, mba pol man suma Israel-lâ, ang mba kak amulâ hi Israel-lîna mi.

2 Samuel 6:21

David mi hulong dat ala: An lü avok Ma didin ma mi manan an kal abuk ki sum mama pet ma mi tinin amula yam mam suma Israel-lîna.

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

1 Sunda Hamuleinid’a 10:13

Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

Sawal la giled’a 78:70

Mi man azong mama David, mi pad’amï woi kur kangâna hi tumiyônina.

Zla d’a d’ogolâ 27:24

kayam ndjondjoîd’a nga d’i kak didin ndi, avaval la amula mba d’i i avogovok kur atchogoi d’a lara ge pet tuo mi.

Isai 39:5

Ata yi máma Isai mi dum ala: Ang hum zla d’a Ma didin ma ad’engêm kal petna mi data.

Sunda hi suma a sunuzinid’a 13:22

Kid’a mi pat Saul woi dad’a, mi tin David amul mazina. Alona mi le glangâsâ kam ala: An fe David Jesse goroma ni sama an hurun vum heîna, ni ma mba mi ndak vun ahlena pet suma an min ni lazina.

Sunda hi suma a sunuzinid’a 7:46

Mam mi ma Alona mi vum sumad’a, mi tchenem á fe yima min gong nga kaka mAlona hi Jakob-ma.

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.

1 Samuel 15:26

Samuel mi hulong dum ala: An nga ni i ki sed’eng ngi! Kayam ang ge vun ma hed’a hi Ma didinina woyo, Ma didina mi gang wa woi mi, kayam ang kak amula yam Israel-lâ d’uo d’a.

1 Samuel 15:28

Ata yi máma Samuel mi dum ala: Ma didina mi haû wa ini leu manga woi aduk Israel-lâ, mi hat wa mi sama djivi ma kalang angâ.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 16:12

Jesse mi mbam eya. David ni sama afefetna, mi djif ir suma heî mi. Ma didina mi de mi Samuel ala: Ni mamu! Ang tchola, ang vo mbulâ kam á tinim amula.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Samuel 24:20

Le sana mi fe mam ma djangûna ni, mi aram mi i yi mama ki halasa zu? Ar Ma didina mi wuragang yam vama ang lum ki sed’en ini wana!

1 Samuel 25:30

Fata Ma didina mi ndak vun djivid’a mi hlang vunam kata, mi tining wa amula yam Israel-lâ mi ni,

1 Samuel 9:16

Avin aboina hina dedege, ang mba ngaf ki sama Benjamin-na. Ang vom mbulâ kam á tinim amula yam man suma Israel-lâ, kayam mi pad’azi woi abo suma Filistê-na. Kayam sum mana a yan ala an ndjunuziya, an we ndak mazid’a mi.