1 Samuel 12:9 - Bible azumeina

⁹ Wani abuyogi ngolo a mar yam Ma didina Alo mazina. Kayam ndata, mi hazi woi abo Sisera ma ngolâ hi azigar suma Hasor-râ, abo Filistê-na kabo amul ma Mowap-ma, a dur ayîna ki sed’eziya.

1 Samuel 12:9 Iomraidhean Croise

2 Samuel 7:11

Kur atchogoi d’a an tin suma nglo suma avok man suma Israel-lîd’a, an hazi tuk tad’a, an pad’azi woi abo mazi suma djangûna. Ki tchetchemba, an Ma didina nga ni dangû: An mba ni hang andjafâ.

Sawal la giled’a 106:21

Azi mar Alo ma sud’uzi ma lahle suma ndandalâ avo Ezipte-na woyo,

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Gat ta a hat á mbàd’id’a 32:18

Gagazi, agi Israel-lâ, agi maragi woi yam ahina d’a ndjunugid’a, agi maragi woi yam ma tchugugina, agi gologi Alo ma hagi arid’ina is mi.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Suma ka sariyad’a 10:7

Ma didina hurum zal yam Israel-lâ ngola, mi hazi woi abo suma Filistê-na ki suma Amon-na.

Suma ka sariyad’a 13:1

Israel-lâ a nde le sun nda ding nga Ma didina tam nga d’i lum djivi kat tuo d’a kua avoromu. Ni kayam ndata ba, Ma didina mi hazi abo suma Filistê-na gak bizad’a dok fid’i.

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Suma ka sariyad’a 3:12

Israel-lâ a le sun nda ding nga Ma didina tam nga d’i lum djivi kat tuo d’a. Ma didina mi had’enga mi Eglon amul ma Mowap-ma; mi kak djangûna ki Israel-lâ, kayam azi le sun nda ata yat tuo d’a.

Suma ka sariyad’a 3:31

Bugol Ehut, Samgar Anat goroma mi vraga. Mi tchi suma Filistê-na kikis karagaya ki leleu ma a hat kamuzleinina, mi sut Israel-lâ woi mi.

Suma ka sariyad’a 4:2

Ma didina mi hazi woi abo Jabin amul ma Kanan ma nga mi tamula avo Hasor-râ. Azigar mam ma ngolâ ni Sisera, yam ma kaka ni Haroset-Goyim.

1 Samuel 12:15

Wani le agi nga humum vunam mbuo, agi nga tchilagi yam gat mamba mi ni, Ma didina mba mi ngobogi d’igi mi ngop abuyogi ngolo adjeu na mi.