1 Samuel 12:19 - Bible azumeina

¹⁹ a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

1 Samuel 12:19 Iomraidhean Croise

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

Wana ni mbaktumba hi Job-pa 37:13

á gat suma yam andagad’ina, d’oze á tak djivi mamba woi abu mi.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Buzuk ka Abud’a 10:17

Wani ki tchetchemba, agi vad’agi hurugi woi kanu, agi i tchenegi Ma didina Alo magina, ar mi hle ndak ka tcho d’a tchi mat ndata woi kan wü d’a.

Buzuk ka Abud’a 32:30

Tcha ndjivinda Moise mi de mi Israel-lâ ala: Agi lagi tcho d’a ngola. Ki tchetchemba, an nga ni djak gen Ma didina. Dam mam mba mi humunu, mba mi zlup yam tcho magid’a kla.

Buzuk ka Abud’a 9:28

Agi i tchenegi Ma didina tala breîd’a ki mogoina a le d’uo d’a. An mba ni aragi agi igiya, an mba ni d’elegi d’uo d’a.

Isai 26:16

Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 27:18

Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi.

Jeremi 37:3

Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.

Jeremi 42:2

a de mi ma djok vun Alona Jeremi ala: Ar ang hum tchen mami d’a hud’a. Ang tchen Ma didina Alo mangâ yam djivid’a hi ami suma aramina pet. Kayam avok ami nablaud’a, wani ki tchetchemba, ami arami nakid’eid’a d’igi ang we ki irang ini na.

Malatchi 1:9

Ma didin ma ad’engêm kal petna mi dala: Ki tchetchemba, agi suma ngat buzuna, agi tchenegi Alona kayam mi wei hohoweya! Ni kayam agi ba, ahle ndazina a mba, na ni mba mi vagi atam djivid’a zu?

Ndumba 21:7

Suma a arâ a i gen Moise, a dum ala: Ami lami tchod’a, kayam ami guruyômi yam Ma didina, kang ang mi. Ang tchen Ma didina, mi yo guguyo ndazina woi atamiya. Moise mi tchen Ma didina yam suma.

Sunda hi suma a sunuzinid’a 8:24

Simon mi hulong dum ala: Agi tchenegi Salad’a kanu, kayam ahle suma agi dazi wana a mba kan ndi.

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

1 Samuel 12:13

Samuel mi de kua ala: Ki tchetchemba, wana namul ma agi managizina, ni ma agi tchenen kama, Ma didina mi tinigiziya wa!

1 Samuel 12:17

Ei ni kur yima ze gemena d’uo zu? An nga ni tchen Ma didina mam mba mi sunï ini alona mba mi se mi breî mi. Hina agi mba wagi ini ala agi halagi amulâ doli agi lagi ni tcho d’a ngola avok Ma didina.

1 Samuel 12:20

Samuel mi hulong dazi ala: Agi lagi mandar ri; agi lagi tchod’a gagazi, wani ar agi walagi woi ki Ma didina d’i, ar agi lúm sunda ki hurugi pet.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 7:5

Samuel mi he vuna ala: Agi togogi Israel-lâ pet avo Mispa. An mba ni tchen Alona kagiya.

1 Samuel 7:8

a de mi Samuel ala: Ang ar bei tchen Ma didina Alo meina kei d’i, kayam mi sud’i woi abo suma Filistê-na.

1 Samuel 8:6

Samuel tam lum nga djivi yam djop pa azi djobom ala mi tinizi amulâ d’a d’i. Samuel mi nde tchen Ma didina.