1 Samuel 12:15 - Bible azumeina

¹⁵ Wani le agi nga humum vunam mbuo, agi nga tchilagi yam gat mamba mi ni, Ma didina mba mi ngobogi d’igi mi ngop abuyogi ngolo adjeu na mi.

1 Samuel 12:15 Iomraidhean Croise

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Hor ma tchina 1:18

Ma didina ni ma d’ingêrâ, kayam an ni som vunamu. Agi suma pet, agi humugiya, agi wagi pupuluk manda. Yugunei mana kazungeî mana, a izi wa magomba.

Gat ta a hat á mbàd’id’a 31:27

Kayam an we agi ni suma so vuna, agi ni suma yam mba ad’enga. Le agi nga sogi vun Ma didina kid’a an nga ki iran adigagi tua d’a ni, bugol mat mana, agi mba lagi tchod’a kal luo zu?

Josue 24:20

Le agi aragiya wa Ma didina woi i kud’urogi wa alo ma dingâ ni, mi lagi djivid’a wan pî, mam mba mi mbut iram atagiya, mba mi lagi tchod’a, mba mi dabagi woi mi.

Suma ka sariyad’a 2:15

Ata yima lara ma azi nga i abagei durîna, Ma didina mi arazi abo mazi suma djangûna á lazi tchod’a d’igi mi de na, d’igi mi gunuzi tam na mi. Kayam ndata, azi nga kur hohoud’a ngola.

1 Samuel 12:9

Wani abuyogi ngolo a mar yam Ma didina Alo mazina. Kayam ndata, mi hazi woi abo Sisera ma ngolâ hi azigar suma Hasor-râ, abo Filistê-na kabo amul ma Mowap-ma, a dur ayîna ki sed’eziya.

1 Samuel 5:9

Wani kid’a azi mbaza ki zandu’â avo d’a, Ma didina mi ngop suma avo hur azinina, gugureina ki suma nglona, mi tumuzi ki tugud’ei d’a a yat ala emorota; azi nde tcha tata.