1 Samuel 12:11 - Bible azumeina

¹¹ Ata yi máma Ma didina mi sunï Zedeyon, Bedan, Jefte ki an tan Samuel á pad’agi woi abo magi suma djangû suma a nguyugina. Ni kayam ndata ba, agi kagagi ki halasa kur ambas ndata wana.

1 Samuel 12:11 Iomraidhean Croise

2 Amuleina 13:5

Ata yi máma Ma didina mi sunï sama sud’uzi woi abo suma Siri-na, kayam azi kak kur aziyazi d’igi avoka na.

1 Sunda Hamuleinid’a 7:17

Ulam mi vut Bedan. Azi nandjafâ hi Galät ma Makir gorom ma Manase gorom ngolonina.

Suma ka sariyad’a 4:6

Ti ge sunda ti yï Barak Abinowam goroma ei Kedes-Neftali, ti dum ala: Ma didina Alona hi Israel-lîna mi hang vuna ala: Ang i yo suma ad’u andjafâ hi Neftali-na kandjafâ hi Zabulon-na 10.000, ang i ki sed’ezi yam ahina d’a Tabor-ra.

Suma ka sariyad’a 6:14

Ma didina mi mbut iram atam mi dum ala: Ang i kad’eng nga ang nga ki sed’eta, ang mba sut Israel-lâ woi abo suma Madiyan-na. Ni an ba ni sunung nguo zu?

Suma ka sariyad’a 6:31

Jowas mi hulong de mi suma a nga tchola gevem suma a nga halam ki zlad’ina ala: Ni agi ba, ndjunugi yam Bäl á sud’um zu? Sama lara ma mi min á ndjunuma mba mi mit ini avok bei yina fod’a! Le Bäl nalona ni, ar mi ndjun yam tamu, kayam a pleyêmï yi mam ma ngal ahle suma ngat buzuna woyo!

Suma ka sariyad’a 6:32

Kur bur máma a yi Zedeyon ala Jerubäl, nala, Ar Bäl mi dur ki sed’emu, kayam mi pleyêm yi mam ma ngal ahle suma ngat buzuna woyo!

Suma ka sariyad’a 7:1

Jerubäl ma a yum ala Zedeyon-na ki suma a nga ki sed’ema pet, a tchol ki yorogo tcholola, a i a ve kangâ avun mbiyo ma lau ma Harot-na. Kangâ hi suma Madiyan-na mi nga abom ma norâ, tinï ad’ud’a yam ahina d’a More-d’a dei gak mi i kä kur hora.

Suma ka sariyad’a 8:29

Jerubäl Jowas goroma mi hulong mi kak avo hatamu.

Suma ka sariyad’a 8:35

Israel-lâ a nga djib’er yam suma hi Jerubäl ma a yum ala Zedeyon-na, yam djivi d’a mi lat ki sed’ezid’a d’uo mi.

1 Samuel 3:20

Suma kur ambas sa Israel-lina pet, tinï ad’ud’a Dan dei gak mba Berseba, a wala Samuel ni ma djok vun ma gagazina hi Ma didinina.

1 Samuel 7:13

Ni hina ba, suma Filistê-na a hulong yazi kä, kayam me ata yima Samuel mi nga ki iram tua na, suma Filistê-na a hulong nga á hlandagad’a hi Israel-lîd’a d’uo d’a, kayam Ma didina nga mi ngobozi teteu.