1 Samuel 11:11 - Bible azumeina

¹¹ Tcha ndjivinda Saul mi wal azigar mama irazi hindi. Kid’a yina lá fod’id’a, azi tchuk kur kangâ hi suma Amon-nina, a tchazi gak afata tchol faleya. Suma a arâ a b’rau woi yayak, a nga fe suma hina mbà ata yima tuna d’i.

1 Samuel 11:11 Iomraidhean Croise

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

2 Samuel 18:2

David mi wal suma dur ayîna adesâ hindi, mi tin Jowap yam ma hina, mi tin Abisai Seruya gorot ma Jowap wiyemina yam ma hina, mi tin Itai ma Gat-na yam ma hina mi. Mi dazi ala: An tan ni i dur ayîna ki sed’egi mi.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Buzuk ka Abud’a 14:24

Ki yorogo tcholola, Ma didin ma nga aduk d’ugul la aku d’a nga tchola gongzongina, mi gol kangâ hi Ezipte-na, mi mbud’um batuwak.

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.

Suma ka sariyad’a 4:16

Barak mi dik ad’u pusâ ki azigarâ gak a mbaza Haroset-Goyim; a tchi azigarâ hi Sisera-na woi ki mbigeu d’a fiyaka pepet bei sa sut tu ba.

Suma ka sariyad’a 7:16

Zedeyon mi wal suma kikis hindina kä ad’u hindi. Mi hazi aduveina abozi tutu pet, kagolongeî suma va nga kuruzi d’uo na kaku d’a ganda kuruzi mi.

Suma ka sariyad’a 7:20

Ades suma ar mbàna a le na, a bu aduveina, a to agolongeî suma a nga abozina woi mi. Suma pet a yo aku d’a ganda abozi ma gulana, a yo aduveina abozi ma ndjufâ á bud’a, a nga er ad’uzi akulo ala: Ni yam Ma didina azi ki Zedeyon!

Suma ka sariyad’a 9:43

Mi yo azigar mama, mi walazi kä ad’u adesâ hindi, a i bur kä abageya. Ata yima mi we suma a buzugï woi hur azinina, mi tchol mi duruzi mi tchaziya.

1 Samuel 11:2

Nahas amul mama mi hulong dazi ala: Djiviya! Le an tcho nge nge pî adigagi iram mba ndjufâ woyo ni, bugola, an djin vunan ki sed’egiya. Hina wani, an mba ni mbut Israel-lâ pet vama ngula ir suma.

1 Samuel 14:47

Bugol la Saul mi kak amula yam Israel-lîd’a, mi dur ki mam suma djangû suma a nguyuma, nala, ki suma Mowap-ma, ki suma Amon-na, ki suma Edom-ma, kamulei suma Soba-na, ki suma Filistê-na. Ata yima lara ge pet mi kus kaziya.