1 Samuel 11:1 - Bible azumeina

¹ Nahas amul ma Amon-na, mi mba, mi ndazì ma Jabes ma kur ambas sa Galät-tina durâ. Suma Jabes-sâ a dum ala: Ang djin vunang ki sed’emiya; ami gami yami kä ad’ung mi.

1 Samuel 11:1 Iomraidhean Croise

Ad’u Tinda 26:28

Azi hulong dum ala: Ami wami tetet ala Ma didina mi nga ki sed’engû. Ni kayam ndata, ami min ala ei guni tei aduk teya, ei djini vuneya.

2 Samuel 10:1

Bugol ahle ndazina, amul ma Amon-na mi mid’a; goroma Hanun mi vrak tamula blangâmu.

2 Samuel 10:2

David mi dala: An mba ni le djivid’a ki Hanun Nahas goroma d’igi abum mi lan djivid’a na mi. David mi sun azungeî mama á b’lengêm hurum yam matna habuma. Kid’a azungeîna hi David-na a mbaza yam ambas sa Amon-ndid’a,

2 Samuel 17:27

Kid’a David mi mba avo Mahanayim-mba, Sobi Nahas ma Raba d’a Amon-nda goroma, Makir Amiyel ma Lodebar-râ goroma ki Barzilai ma Galät ta Rogelim-mba,

2 Samuel 2:5

David mi tchuk suma gen Jabes suma Galät-na á dazi ala: Ma didina mi b’e vunam kagiya, kayam agi lagi sun nda djivid’a ki salagina Saul heî, agi tozomu.

1 Amuleina 20:34

Ata yi máma Ben-Hadat mi de mi Ahap ala: An min hulongông azì mang ma abun hluma. Ang i gus ahligiyeng ngei kur Damas d’igi abun mi gus mamina woi kur Samari na mi. Ahap mi dum ala: Ar ei djini vuneya. Bugola, an arangû. Azi djin vunaziya, mam aram mi iya.

1 Sunda Hamuleinid’a 10:11

Ata yima suma Jabes suma Galät-na a hum ahlena pet suma suma Filistê-na a lazi ki Saul-lâ,

1 Sunda Hamuleinid’a 10:12

andjof suma gangrangâ pet a tchol a i yoï mad’a Saul azi ki groma, a mbazi Jabes. A tozizi asogozi ad’u agu ma ngol ma Jabes-sâ, a d’el tazi bei te tena gak burâ kid’iziya.

Wana ni mbaktumba hi Job-pa 41:4

Ni nge ba, mi zum bagam mbei ge? Ni nge ba, mi ndak á tchugum djamad’a avunam ge?

Buzuk ka Abud’a 23:32

Agi djinigi vunagi ki sed’ezi d’oze kalo mazina d’uo mi.

Isai 36:16

Mi de kua ala: Salana amul ma Asiri-na mi dala: Agi hagi gagazid’a kam mbi, ar agi humum mbuo mi. Ar agi humugi ni zla d’a an amul ma Asiri-na ni dagizi wanda: Agi zlabagi darigïd’a ki sed’enu, agi mbeyegi gevenu. Wani nge nge pî mba mi te vud’a guguzlu mamba, mba mi te vud’a tulum mama, nge nge pî mba mi tche mbiyo golong mamba mi.

Jeremi 40:11

Juif suma a nga avo Mowap-ma ki suma a nga avo Amon-na ki suma a nga avo Edom-ma ki suma a nga kur ambas sa tetengina, a hum ala: Amul ma Babilon-na mi ar nga suma a arâ kur ambas sa Juda-d’a, mi tin wa Gedaliya Ahikam gorom ma Safan gorom ngolonina á te kaziya.

Jeremi 40:14

A dum ala: Ang we tetet ala Bälis amulâ hi suma Amon-na mi sunï Ismael Netaniya goroma á tchangû ko zu? Wani Gedaliya Ahikam goroma mi he nga gagazid’a yam zla mazid’a d’i.

Ezekiyel 17:13

Mi hle sana ad’u andjaf ma amula tu, mi djin vunam ki sed’emu, mi lum kad’enga mi gunum tamu, mi i ki suma nglo suma kur ambas ndatina,

Gat ta a hat á mbàd’id’a 23:3

Suma Amon-na ki suma Mowap-ma a kal kur toka hi Ma didinid’a d’i. Le nandjavazi ma kur atchogoi d’a dogod’ina pî, mi ndak á kal kua d’i gak didin,

Suma ka sariyad’a 10:7

Ma didina hurum zal yam Israel-lâ ngola, mi hazi woi abo suma Filistê-na ki suma Amon-na.

Suma ka sariyad’a 11:4

Bugol bizad’a tcha, suma Amon-na a nde dur ayîna ki Israel-lâ.

Suma ka sariyad’a 21:8

Azi dala: Na ni aduk andjaf Israel-lâ, suma dingâ a mba nga Mispa avok Ma didina d’uo zu? Wani suma a nga kaka Jabes sa Galät-tina, sa tu pî mi mba nga kur kangâ aduk toka d’i.

1 Samuel 12:12

Kid’a agi wagi Nahas amul ma Amon-na mi mba á dur ayîna ki sed’egid’a, agi dan ala: Ami minimi amulâ á te kamiya. Wani Ma didina namul magina.

1 Samuel 14:47

Bugol la Saul mi kak amula yam Israel-lîd’a, mi dur ki mam suma djangû suma a nguyuma, nala, ki suma Mowap-ma, ki suma Amon-na, ki suma Edom-ma, kamulei suma Soba-na, ki suma Filistê-na. Ata yima lara ge pet mi kus kaziya.