1 Samuel 10:6 - Bible azumeina

⁶ Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.

1 Samuel 10:6 Iomraidhean Croise

Ndumba 11:17

An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Ndumba 11:25

Ma didina mi tchugï asem kä kur d’ugula, mi de zlad’a mi Moise, mi hle Muzuk ma nga kaka kama, mi tinim yam suma nglo suma dok kid’iziya ndazina. Ata yima Muzu’â mi kak kazina, a nde djok vuna, wani a i nga avogovok ki.

Ndumba 11:26

Suma mbà a ar nga kä kur kangâ, ma tuna a yum ala Eldat, ma mbàna a yum ala Medat. Muzu’â mi kak kaziya, kayam azi ni suma a b’irizi aduk suma dok kid’iziyana mi, wani azi iza nga avun zlub’ud’a d’i. A nde djok vuna kur kangâ.

Ndumba 11:29

Moise mi hulong dum ala: Ang le ni yungôra kan ndju? Ladjï Ma didina mi b’rau Muzuk mama mi sum mama pet á djok vuna ni, tan mba d’i lan djivid’a ngola.

Matiye 7:22

Kur bur máma, suma ablaud’a a mba dan ala: Salamina, Salamina, ami djogomi zlad’a hAlonid’a woi ki simiyêng ngi? Ami digimi muzuk ma tchona woi ki simiyêng ngi? Ami lami sun nda ngol la atchapa ki simiyêng ngi?

Suma ka sariyad’a 14:6

Muzu’â hi Ma didinina mi kak yam Samson. Va nga abom mbi, mi pau azlo ma azong máma woi d’igi sana mi pau gor ahu b’ëna woi na. Mi de nga abum azi kasum yam vama mam luma d’i.

Suma ka sariyad’a 15:14

Ata yima a mbamza Lehi-na, suma Filistê-na a tum sora, a ngavamu. Ata yi máma Muzu’â hi Ma didinina mi mba kak kamu. Ziyo ma a djinim kaboma, mi mbut d’igi baru d’a luluî d’a a ngalat kakud’id’a na, mi but teyo.

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

1 Samuel 10:10

Wani ata yima Saul azi kazong mama a mba Gibeya, a ngaf kadesâ hi suma djok vun Alonina, Muzu’â hAlonina mi surop yam Saul, mi hut gevezi go, nga mi djok vun Alona d’igi azi na mi.

1 Samuel 10:9

Ata yima Saul mi wal ki Samuel-lâ, Alona mi mbut hur Saul mbut ta dinga. Ahle suma Samuel dazina pet a le kur bur máma baba.

1 Samuel 11:6

Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola.

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

1 Samuel 19:20

Saul mi tchuk suma á veï David. Azi wades suma djok vuna a nga djok vuna, Samuel mi nga avoroziya. Muzu’â hAlonina mi ve suma hi Saul-lâ, azi tazid’a a nde djok vun Alona mi!