1 Samuel 10:5 - Bible azumeina

⁵ Mi dum kua ala: Bugola, ang mba mbaza avo Gibeya-Elohim ata yima Filistê-na a nga ki kangâ kuana. Ata yima ang mbaza go ki vun azinina, ang mba ngaf kadesâ hi suma djok vun Alonina, a nga tchugï asezi kä woi yam yima nding ma a tinim iram vama. Suma a nga lü kadingâ, daliyâd’a, taulâd’a ki gangad’a avoroziya, azi tazi a nga djok vun Alona woi mi.

1 Samuel 10:5 Iomraidhean Croise

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

2 Amuleina 2:15

Adesâ hi suma djok vun suma a nga kaka Jeriko-na, a nga tchola sä woi hina dei, a nga gol vama Elise mi luma, a nga dala: Muzuk ma kak yam Elie-na, ki tchetchemba, mi djok wa yam Elise. A mba d’ugulomu, a grif kä avoromu,

2 Amuleina 2:3

Adesâ hi suma djok vun suma a nga kaka Betel-lâ, a mba, a de mi Elise ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

2 Amuleina 2:5

Wani adesâ hi suma djok vun suma a nga kaka Jeriko-na, a hut gen Elise, a dum ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

2 Amuleina 2:7

Suma djok vuna dok vahl a mba, wani a tchol sä woi hina dei ki Elie azi ki Elise suma a nga tchola avun alum ma Jurdê-nina.

2 Amuleina 3:15

Wani mi de kua ala: Ki tchetchemba, agi yanï sama bu adingâ. Ata yima sama bu adingâ mi nde bu adingîna, ad’enga hi Ma didinid’a ti mba yam Elise.

2 Amuleina 4:38

Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

2 Amuleina 6:1

Bur tu adesâ hi suma djok vunina a de mi Elise ala: Gola! Yima ami togomi kua avorongâ mi kid’agamiya.

1 Sunda Hamuleinid’a 11:16

David mi nga kaka ata yima ad’eng máma. Wani kangâ hi Filistê-nina mi nga avo Betelehem.

1 Sunda Hamuleinid’a 13:8

David ki Israel-lâ pet a nga lü avok Alona kad’engêzi pet, a nga hle sawala kandjaf ahle suma bud’a teteng, nala, ading ma nglona ki ma gureina, daliyâd’a, tchuguyod’a, ndendeta kadifa mi.

1 Sunda Hamuleinid’a 16:42

Heman azi ki Jedutun a nga bu adif fa nglod’a ki tchigiyeud’a kahle suma a buzi á hle ki sawala á he ngola mAlonina. Jedutun groma a ni suma ngom vun yima a tinim iram vam mi Ma didinina.

1 Sunda Hamuleinid’a 16:5

Asaf ni ma avo’â, Zakari ni ma kam á mbàd’ina. Bugola ni Jeyel, Semiramot, Jehiyel, Matitiya, Eliyap, Benaya, Obet-Edom ki Jeyel. A nga kandjaf ahle suma bud’a aboziya, ading ma nglona ki ma gureina. Asaf nga mi bu tchigiyeud’a ad’enga mi.

Sawal la giled’a 49:4

Zla d’a nga d’i ndavunanda ni zla d’a irata, djib’er manda ni djib’er ra djivid’a.

Sawal la giled’a 92:3

Ni vama djivina á de zla o mang nga didinda woi ki yorogo tcholola, á de zla d’engzeng manga woi kur andjeged’a

1 Korente-na 14:1

Kayam ndata, ar agi halagi ni od’a. Ar agi b’ad’agi tagi yam he d’a hawa d’a Muzu’â hAlonina mi hagizid’a, kal pet ná djok vun Alona.

1 Samuel 10:10

Wani ata yima Saul azi kazong mama a mba Gibeya, a ngaf kadesâ hi suma djok vun Alonina, Muzu’â hAlonina mi surop yam Saul, mi hut gevezi go, nga mi djok vun Alona d’igi azi na mi.

1 Samuel 10:4

Azi mba gang depa, a mba hang avungôna mbà; ang vum aboziya.

1 Samuel 13:2

Saul mi man suma aduk Israel-lâ 3000. Suma 2000 a kak ki sed’em Mikmas, a kak yam ahina d’a Betel-la mi; suma 1000 a kak ki Jonatan avo Gibeya d’a Benjamin-nda. Saul mi tchuk Israel suma a arâ a i avo hataziya.

1 Samuel 13:3

Bur tu Jonatan mi tchi ma ngolâ hi azigar suma Filistê suma a nga kaka avo Geba-na; suma Filistê-na pet a huma. Ata yi máma Saul mi sun suma sunda á bu adifa kur andagad’a pet, mi dala: Ar suma Hebre-na a huma!

1 Samuel 19:20

Saul mi tchuk suma á veï David. Azi wades suma djok vuna a nga djok vuna, Samuel mi nga avoroziya. Muzu’â hAlonina mi ve suma hi Saul-lâ, azi tazid’a a nde djok vun Alona mi!

1 Samuel 9:12

Yuguneina a hulong dazi ala: Â! Mam mba nga avorogi kä wana! Agi b’ad’agi atogo! Mam mbei nga avo hatami ini, kayam ini ni bur ma suma a he he d’a hawa d’a ngat buzuna ata yima nding ma a tinim iram vamina.