1 Samuel 10:27 - Bible azumeina

²⁷ Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.

1 Samuel 10:27 Iomraidhean Croise

2 Samuel 20:1

Wani sama bateina mi nga kua, a yuma ala Seba; ni Bikri ma Benjamin-na goroma. Mi bu adifa mi dala: Va mi ndolei nga ki David ti. Ei nga tei djo aduk tei ki Jesse goroma d’i. Agi Israel-lâ nge nge pî, mi hulong avo hatamu!

2 Samuel 8:2

David mi dur ayîna ki suma Mowap-ma, mi kus kaziya, mi ndjarazi burâ kä andaga, mi ngazi ki ziyona nga nga hindi, mi tchi suma kur ziyo ma mbànina woyo, mi ar suma kur ziyo ma hindinina bei tchid’a; a hum tara.

1 Amuleina 10:25

Sama lara pî adigazi nga mi mbam ki he d’a hawad’a, nala, ahle suma a lazi ki kawei ma hapmina, ahle suma a lazi ki lorina, baruna, ahle suma dur ayîna, mbul ma his ma afufuîna, akulumeina ki koro ma akulumei akulumeina mi. A nga le hina bizad’a ki bizad’a.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

1 Amuleina 5:1

Ata yima Hiram amul ma Tir-râ mi hum ala Salomon mi vrak wa tamula balum abum David’u na, mi sunï azungeî mama á ve banad’a ki sed’emu, kayam mam mi David banama.

2 Sunda Hamuleinid’a 13:7

Suma yazi nga d’uo suma hawa ya’â a tok ad’umu, a kus yam Robowam Salomon goroma, kayam Robowam mi ni gogorâ bei ned’a, mi ndak á tchol avorozi ngingring ngi.

2 Sunda Hamuleinid’a 17:5

Ma didina mi siram leu mamba ngingring. Suma Juda-na pet a nga mbam ki he d’a hawad’a, mi mbut sama ndjondjoîna, mi mbut sama suma a suburum heîna mi.

Sawal la giled’a 38:13

Suma a halan á tchid’ina a gun dauna kä avoronu, suma a halan á lan tchod’ina a nga de zla d’a tchod’a kanu, a nga hal lovota á mbud’un iran burâ ki burâ.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Ma tchi wala 7:21

Ar ang tin humang yam zla d’a suma a nga data pet ti. Le d’uo ni, dam ang mba hum ngul la azong mangâ nga mi ngulunga kla.

Isai 36:21

Wani suma pet suma a nga ata yi mámina a kak silil, a hulongôm nga zla d’a de tu d’i, kayam amulâ Ezekiyas mi hazi vuna ala azi dum zla d’i.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Sunda hi suma a sunuzinid’a 7:35

Ni Moise ma Israel-lâ a noyôm mbei ala: Sama tining amula ki ma ka sariyad’a kami ni nge nge na ba, Alona mi sunum á tamula kazi á pad’azi woi zlapa ki malaika ma nde tam mbei iram aduk awei-avirinina.

Gat ta a hat á mbàd’id’a 13:13

Suma zlazi nga d’uo na a tchol adigagi á lop suma a nga kaka kur azì ma ngolîna ala: Ar ei i kud’orei alo ma ding ma tetengâ, nala, ma agi wum nga yagi tu d’uo na ni,

1 Samuel 11:12

Ata yi máma Israel-lâ a de mi Samuel ala: Suma a min ala Saul mi te kei d’uo na a nga ni lara ge? Hamï sum ndazina ami tchazi woyo.

1 Samuel 11:13

Wani Saul mi dazi ala: Ar sa mi tchi sa kur bur ma inina d’i, kayam bur ma inina ni bur ma Ma didina mi sut Israel-lâ kurâ.

1 Samuel 16:20

Jesse mi ve korona, mi yo avungôna, agela ki süm guguzlud’a kahuna tu kamu, mi hazi mi goroma David ala mi i hazi mi Saul.

1 Samuel 2:12

Eli groma ni suma zlazi nga d’uo na, a we nga Ma didina d’i.

1 Samuel 25:17

Ki tchetchemba, ndak we zla ndata, ndak we vama ndak luma. Bei aboina ba, b’laka mba d’i mba yam saleina ki sum mama pet. Mam mbei ni sama asa’at ma sa ndak á dum zla d’a hina d’a d’uo na.