1 Pierre 5:6 - Bible azumeina

⁶ Kayam ndata, agi gagi yagi kä ad’u abo ma ad’enga hAlonina, kayam mam mba mi hlagi yagi akulo ata yima mi ngama.

1 Pierre 5:6 Iomraidhean Croise

1 Amuleina 21:29

Ang gola! Ahap mi ge wa yam kä avoronu. Kayamba mi ge yam kä d’a, an mba ni mba ndaka yam sum mama kur atchogoi mamba d’i, wani an mba ni mbat ni kur atchogoid’a hi goromid’a.

2 Amuleina 22:19

Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na.

2 Sunda Hamuleinid’a 12:12

Kayam Robowam mi ge yam kä ad’umu, Ma didina hurum vat tei kamu, mi tchum nga woi gau d’i. Ahle suma djivina a nga yam ambas sa Juda-d’a tua.

2 Sunda Hamuleinid’a 30:11

Wani suma dingâ aduk suma hi Aser-râ, aduk suma hi Manase-na ki suma hi Zabulon-na a hulong yazi kä, a mbeï avo Jerusalem.

2 Sunda Hamuleinid’a 32:26

Ata yi máma Ezekiyas mi hulong yam kä ki suma a nga kaka avo Jerusalem-ma, tala ata yima Ezekiyas mi nga ki irama, ar Ma didina hurum mi zal kazi d’uo d’a.

2 Sunda Hamuleinid’a 33:12

Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.

2 Sunda Hamuleinid’a 33:19

Tchen mamba ki hum mba Alona mi humuta ki tcho mam mba mi lata ki sun mam mba ata yat tuo d’a ki yima mi min yima ndingâ kua á kud’or fileinina ki gong nga kud’or ra mi minit malo d’a a yat ala Asera-d’a ki filei ma mam tched’em avok kä bei mam hulong yam kä d’a, a b’irizi nga kä kur Mbaktumba hi Hozai-d’a.

2 Sunda Hamuleinid’a 33:23

Mi hulong nga yam kä avok Ma didina d’igi abum Manase mi hulong yam kä na d’i. Amon nga mi le tchod’a avogovogo, zlad’a nga kam avok Ma didina.

2 Sunda Hamuleinid’a 36:12

Mi le sun nda tchod’a avok Ma didina Alo mama, mi nga mi hum zla d’a Jeremi ma djok vun Alona nga mi dumzi d’a tcholï avun Ma didinid’a d’uo mi.

Wana ni mbaktumba hi Job-pa 36:22

Elihu mi de kua ala: Gola! Alona nga mi tak kal papa mamba woi kur ad’eng mamba. Ni nge ba, mba mi we á hat suma d’igi mam na ge?

Sawal la giled’a 75:10

Wani anu, an mba ni de woi burâ ki burâ yam sun mang nga ang lata, an mba ni hle sawala á gileng ang Alona hi Jakob-ma ala:

Sawal la giled’a 89:13

Abo ma norâ kabo ma sutna, ni ang ba, laziya. Ahina d’a Tabor-ra ki d’a Hermon-nda a nga gileng simiyêngû.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Buzuk ka Abud’a 3:19

Mi dan kua ala: An wala amul ma Ezipte-na mba mi aragi á id’a d’i, wani ni kad’enga mbeî tua.

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 40:4

Ar a min hora akulo min nda dinga, ar a blas ahuniyô suma nglona ki yima ndingâ kä woyo, ar a mbut yima djodjohlâ papana, ar a mbut yima mbed’etna bubud’a d’igi hora na.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Jeremi 13:18

Ang de mamulâ kasum mba amula ala: Agi bululugi kä andaga kayam avaval magi d’a amula ti nde wa kä woi kagi da’.

Jeremi 44:10

A ge nga yazi kä d’uo gak ini, a le nga mandar ri, a tit nga yam gat manda ki vun ma he man ma an tinigizi avorogi kabuyogi ngolona d’i.

Ezekiyel 17:21

Azigar mam suma a mba ringâ a mba tchazi avun ayîna. Azigar suma a arâ, a mba b’rawazi woi yam andagad’a abot ma fid’ina. Agi mba wagi ala ni an Ma didina ba, ni de ni anu.

Ezekiyel 21:6

Ma didina mi dan kua ala:

Daniel 5:22

Wani ang Baltazar, Nebukanezar goroma, ang wahle ndazina woi tetet, wani ang hulong nga yang kä d’i.

Sunda hi suma hi Levi-nid’a 26:41

azi mba wala ni an ba ni tchol ad’enga ki sed’ezi ni izi yam ambasa hi mazi suma djangûnid’a mi, azi mba ge yazi kä yam hur mazi ma b’ala, azi mba wala azi le ni tchod’a mi.

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Matiye 23:12

Sama mi hle yam akulona, a mba hulongôm yam kä, sama mi ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 1:52

Mi zut suma te yamba kä woi yam zlumiyô mazina, mi hle yam suma lulumana akulo mi.

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

Romê-na 5:6

Ata yima ei nga kad’enga á le va d’uo tua na, Christ mi mit yam suma tchona ata yima Alona mi ngama.

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

Wana ni mbaktum mba Paul mi b’irit mi Tit-ta 1:3

Wani ata yima mi ngama, mi nde zla mam mba mi handjid’a woyo. Zla ndata, an nga ni tchat walat yam vun ma hed’a hAlo ma sud’ina.

Jacques 4:10

Agi gagi yagi kä avok Salad’a, mam mba mi hlagi yagi akulo.

Jacques 4:7

Agi gagi yagi kä avok Alona, agi tchologi ad’enga ngingring á noî Diable woyo. Hina wani, mba mi ring ngei dei ki sed’egiya.

Jacques 5:10

B’oziyona, ar agi djib’eregi yam suma djok vun Alona suma a de zlad’a ki simiyê Ma didinina. Ar agi hlagi balum asezi ki ve tad’a ki d’engzenga kur ndaka.