1 Pierre 4:8 - Bible azumeina

⁸ Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

1 Pierre 4:8 Iomraidhean Croise

Zla d’a d’ogolâ 10:12

D’ugura nga d’i tchol ki huneîd’a aduk suma, wani od’a nga d’i zlup yam tcho d’a lara ge pet mi.

Zla d’a d’ogolâ 12:16

Sama lilid’a nga mi tak hur mam ma zala woi atogo zak, wani sama ned’a mi nga mi ve ngula atamu.

Zla d’a d’ogolâ 17:9

Sama nga mi tin humam yam tcho d’a a lumzid’a d’uo na, mi halî od’a, wani sama nga mi dugud’ot ded’ina mi walî sana woi ki banama.

Zla d’a d’ogolâ 18:13

Sama mi hulong humba bei mi hum zlad’a ba na, ni zla d’a lilid’a ki zla d’a zulona kamu.

1 Korente-na 13:1

An le nga ni de vuna hi suma ki ma hi malaikanina pî, le an nga ni le od’a d’uo ni, zla man nda ded’a ni d’igi kawei ma a nga tumum keng kengâ na, d’oze d’igi agileng ma nga mi tchi kling klingâ na.

1 Korente-na 13:4

Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.

Kolos-sâ 3:14

Kal pet, ar agi tchugugi o d’a ala ni ziyo ma ndak á djinigi tuna d’a atagiya.

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

Hebre-na 13:1

Ar agi lagi yam tagi teteu d’igi b’oziyo tagi na.

Jacques 5:12

B’oziyona, kal pet, ar agi gunugi tagi kakulod’a d’oze kandagad’a d’oze ki vama ding ngi. Wani ar agi dagi ni ala Â! ni Â, Hawa! ni Hawa mi, kayam agi kalagi kur sariyad’a hAlonid’a d’i.

Jacques 5:20

ar agi wagi ala sama hulongî sama tchona woi kur lovot mam mba tchod’ina, mi sut ni sa máma woi kur matna. Tcho mam mba ablau ndata, Alona hurum mba vat tei kat mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

3 Jean 1:2

Bäna, an min ala ang kak djivid’a kur ahlena pet ki tang pet lafiya d’igi muzugang nga lafiya na mi.