1 Pierre 4:18 - Bible azumeina

¹⁸ D’igi mbaktumba hAlonid’a ti de na ala: Le nad’enga ki suma d’ingêrâ á fe suta ni, suma bei d’ingêra ki suma tchona a mba le ni nana ge?

1 Pierre 4:18 Iomraidhean Croise

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

Zla d’a d’ogolâ 11:31

Le sama d’ingêrâ nga mi fe wurak mamba yam andagad’a ka hî ni, sama asa’atna ki ma le tchod’a a mba fe wuraka ngola kal luo zu?

Jeremi 25:29

Kayam Ma didin ma ad’engêm kal petna mi dala: Gola! An nga ni mba ki ndaka yam azì ma ngol ma a nga tchenen kuana avogo. Agi djib’eregi ala agi mba prud’ugi woi bei ngopä zu? Agi mba prud’ugi woi bei ngopa d’i, kayam an nga ni yi suma durâ yam suma yam andagad’ina pet.

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Wana ni Zla d’a Djivi d’a Luc mi b’irita 15:1

Suma ve lombod’a azi ki suma tchona a hut gen Jesus á humumu.

Wana ni Zla d’a Djivi d’a Luc mi b’irita 23:31

Le a nga le tcho ki sed’en an ma d’igi agu ma arina na ni, ni nana ba, a mba le ki sed’egi agi suma d’igi agu ma soina na na ni na na d’ang ge?

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 27:24

mi dan ala: Paul, ar ang le mandar ri; mbeî ang mba tchol avok ma te yamba Sesar. Alona, kur djivi mam mba kanga, nga mi ngom arid’a hi suma a nga tit ki sed’engâ pet mi.

Sunda hi suma a sunuzinid’a 27:31

Wani Paul mi de mi azigar ma ngolâ ki azigar mama ala: Le suma wana a nga kur batod’a d’uo ni, agi ndak á sud’ugi d’uo mi.

Romê-na 1:18

Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Romê-na 5:6

Ata yima ei nga kad’enga á le va d’uo tua na, Christ mi mit yam suma tchona ata yima Alona mi ngama.

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

1 Korente-na 10:12

Kayam ndata, le sa mi djib’er ala mi ni tchola ni, mi gol tam djiviya ar mi puk kä d’i.

1 Timote 1:9

Ei wei ala a tin gata ni yam suma d’ingêrâ d’i, wani ni yam suma tchila yam gatina, yam suma bei ge yazi kä na, yam suma asa’atna, yam suma tchona, yam suma bei hum vun Alonina, yam suma bei djib’er yam Alonina, yam suma tchabuyozi kasuyozina, yam suma tchi matna,

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

Jacques 5:6

Agi kagi wa sariyad’a yam sama d’ingêrâ, agi tchum wa mi. Mam tchol nga ad’enga á noyôgi d’i.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

Jude 1:15

á ka sariyad’a yam suma pet, á ve suma tchona ki zlad’a yam sun nda tcho d’a azi lat ata yima a le yam mba ad’enga kAlona ki zla d’a de d’a tcho d’a lara ge pet ta azi dat kamba.

1 Samuel 15:18

Wani Ma didina mi tagang lovot ta ang tit kuad’a, mi sunung ala ang b’lak Amalek suma tchona woyo, ang duruzi ayîna gak ang b’lagazi woi kakaf.