1 Pierre 3:5 - Bible azumeina

⁵ Hina mi, arop suma yed’et suma adjeu a tin huruzi yam Alonina, djif mazina ba wana: A ge yazi kä ad’u andjuviyozi

1 Pierre 3:5 Iomraidhean Croise

Zla d’a d’ogolâ 31:10

Ni nge ba, mi fatcha d’a ndak avun tat memeta ge? Zlat ti kal ahina d’a guzut kal teglesa woi dei.

Zla d’a d’ogolâ 31:30

Mbut tang djivid’a ir suma ni mbut ira, djifâ ni vama kal leina, wani atcha d’a nga d’i le mandara Ma didinid’a, ti ndak á subura.

Jeremi 49:11

Agi aragi grogi suma hokuyod’a, ni an ba ni wuluziya. Agi aragi arop magi suma modonod’a a tin huruzi kanu.

Wana ni Zla d’a Djivi d’a Luc mi b’irita 2:37

Ti kak modonod’a bizad’a dok klavandi yam fid’i. Ti ar nga gong nga kud’ora hAlonid’a d’i, nga d’i kud’or Alona ki d’el tad’a bei te tena ki tchenda andjege ki faleya.

Sunda hi suma a sunuzinid’a 1:14

Azi pet a nga toka, a nga tchen Alona ki hur ma tuna zlapa karopma ki Marie Jesus asum ki b’oziyoma mi.

Sunda hi suma a sunuzinid’a 9:36

Atcha d’a he gagazid’a tu nga kur Joppe, simiyêt ala Tabita, nala, Dorkas d’oze Duka, nga d’i le sun nda djivid’a burâ ki burâ, nga d’i ndjun suma hohoud’a mi.

Efes-sâ 5:33

Wani zla ndata ni kagi mi. Ar nge nge pî mi le yam amamba d’igi mam tambina. Ar atcha d’a lara ge pî ti he ngola mi ndjuvut mi.

1 Timote 2:10

wani kal pet a le ni sun nda djivid’a d’igi arop suma a nga le mandar Alonina na.

1 Timote 2:15

Wani le d’i nga kaka kur he gagazid’a ki od’a ki yed’eta ki ned’a ni, mba d’i fe suta yam gro suma vuta.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

1 Timote 5:5

Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.

Hebre-na 11:11

Ni yam he gagazid’a ba, Sara tata fad’enga á ve wirâ ata yima bizat ta vuta kal leina, kayam ndat tin hurut ala ma hlat vunama ni ma d’engzengâ.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

1 Samuel 2:1

Anne ti subur Alona, ti dala: An nga ni le furîd’a kurun yam Ma didina. An hle wa yan akulo yam djivi mamba mi lata. An ndak á san ad’u man suma djangûna. An nga ni le furîd’a, kayam Alona mi ndjununu.