1 Pierre 3:3 - Bible azumeina

³ Ar agi halagi djif ma woi abu pid’a’â á ge yamba ki hed’eu ma ngal wiwili’â d’oze baru ma djif ma kalâ d’i.

1 Pierre 3:3 Iomraidhean Croise

Ad’u Tinda 24:22

Kid’a djambala ndak dad’a, mi hle ngangam ma lor ma ngal wiwilik ma anegem ndak grama karagayana, mi nigittchi atchinad’u, mi yo wulak ka lor ra mbà d’a aneget kal grama kisa, mi tchuguttchi del abot abot mi,

Ad’u Tinda 24:47

An djobot ala: Nda’î nge goromba ge? Ti dan ala: An ni Betuwel ma Milka vud’um mi Nahor-râ goromba. Ata yi máma an nigit ngangama atchinad’u, an tchugut wulaka del abot mi.

Ad’u Tinda 24:53

Mi buzugï ahle suma a yorozi ki kawei ma hapma ki lorina woi abu ngola ki baruna, mi hazi mi Rebeka, mi hahle suma guzuzi kal teglesâ mi wiyetna kasut mi.

2 Amuleina 9:30

Jezabel ti hum ahle suma a lena pet. Ata yi máma ti le mbul ma djivina irad’u, ti min tat djifa. Kid’a Jehu mi mba avo Jisreyel-la, ndat nga d’i hiled’emî ir fenetred’a.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Sawal la giled’a 45:9

Mbul ma his ma afufuîna, nala, mirâ, alowena ki kasâ, a nga his ata baru mangâ. Ata yima ang nga nde woi kur azì mang ma a minim djifâ ki sï ahlo’îna, suma a nga gileng ki furîd’a kadingâ.

Buzuk ka Abud’a 3:22

Atcha d’a lara pî mba d’i djop ndrat ta azina d’oze d’a kak avo hatata ahle suma a lazi ki kawei ma hapmina kahle suma a lazi ki lorina ki baruna mi. Agi tchuguzi ata grogi suma andjofâ ki grogi suma aropma. Hina wani, agi mba yogi ahlena hi Ezipte-na.

Buzuk ka Abud’a 32:2

Aron mi hulong dazi ala: Agi fogogï ngangam ma lor ma nga hum amiyôginina ki ma hum grogi suma andjofîna ki ma hum grogi suma aropmina, agi mbeyendjïya.

Buzuk ka Abud’a 33:4

Ata yima suma a hum zla d’a hohou ndatina, a yor taziya, a tchuk nga ahle mazi suma djifâ atazi d’i.

Buzuk ka Abud’a 35:22

Andjofâ karopma pet suma huruzi djivid’ina, a mba ki ngangam ma humba ki ma atchina ki ma abona ki ma kela kahle suma a lazi ki lorina pet, a hazi he d’a hawa d’a tak ka a tinit irat vata mi Ma didina.

Buzuk ka Abud’a 38:8

Mi min hal ma ngol ma mbusa kad’um mba kä d’a pet ni ki kawei ma hleuna. Mi lum hina pet ni ki kotroma harop suma a nga tok avun zlub’u d’a ngaf tad’ina.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 4:30

Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.

Ezekiyel 23:40

A nga halï andjofâ ata yima deina, a ge sunda kaziya, a faziya, azi mba mi. Arop ndazina a mbus tazi woyo, a sat mbul ma djivina iraziya, a buzuk kei kahle suma djifâ ataziya.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

1 Pierre 3:2

kayam azi mba gol tit magi d’a d’ingêra ki ge d’a agi gagi yagi kä d’a.