1 Pierre 3:13 - Bible azumeina

¹³ Le tagi nga lagi zlezleû á le djivid’a ni, ni nge ba, mba mi lagi tchod’a ge?

1 Pierre 3:13 Iomraidhean Croise

Sawal la giled’a 38:20

Wani man suma djangûna a nga kad’enga, va nga mi lazi d’i; suma a noyôn hawa ya’â a nga ablaud’a.

Zla d’a d’ogolâ 12:21

Vama tcho nga mi mba yam sama d’ingêrâ d’i, wani suma asa’atna ndaka nga d’i tok kaziya.

Zla d’a d’ogolâ 15:9

Tita hi sama asa’atnid’a ni vama ndjendjed’a ir Ma didina, wani nga mi le yam sama nga mi tit yam d’ingêrina.

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Jeremi 39:12

Ang vum wana, ang tin irang kamu, ang lum vama tcho d’i, ang lum ahlena pet suma mam mba mi dangzina!

Romê-na 13:3

Kayam suma a le sun nda djivid’ina a nga ki mandarâ avok suma te yamba d’i. Wani suma a le sun nda tchod’ina a nga le mandarâ avoroziya. Ang min le mandara ma te yamba d’uo zu? Ang le ni djivid’a. Hina wani, mam mba mi yorongû.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

1 Korente-na 14:1

Kayam ndata, ar agi halagi ni od’a. Ar agi b’ad’agi tagi yam he d’a hawa d’a Muzu’â hAlonina mi hagizid’a, kal pet ná djok vun Alona.

Efes-sâ 5:1

Agi hlagi balum asem Alona d’igi grom suma mam le kazi heîna na.

1 Tasaloni’â 5:15

Agi gologi tagi djiviya, ar sa mi wurak tchod’a yam ndrat tchod’a d’i, wani agi minigi tagi teteu á le djivid’a aduk tagi ki suma pet mi.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.