1 Pierre 3:10 - Bible azumeina

¹⁰ D’igi mbaktumba hAlonid’a ti de na ala: Sama min kak ki iram bei matna á we bur ma djivinina, ar mi d’el sinam á de zla d’a tchod’a, ar mi d’el vunam á lop suma mi.

1 Pierre 3:10 Iomraidhean Croise

Wana ni mbaktumba hi Job-pa 2:4

Seitan mi hulong de mi Ma didina ala: Ang handji tamu! Ahle suma sana mi nga ki na pet, mba mi hazi ná sut tamu.

Wana ni mbaktumba hi Job-pa 33:28

Wani mi prud’un ndei tala an kal kä kur zula d’uo, an mba ni we b’od’a kua d’a!

Wana ni mbaktumba hi Job-pa 9:25

Burun mi kal atogo kal sama sunum ma ring atogo za’â, mi kal bei mi we djivid’a ba!

Sawal la giled’a 106:5

kayambala an we haheîd’a hi mang suma mandid’a d’a, an le furîd’a kandjaf sum mangâ, tan ndi lan zlezleû ki suma a te djo mangîna mi.

Sawal la giled’a 27:13

Hina pet pî, an we woi tetet ala an mba ni we djivid’a hi Ma didinid’a yam andagad’a ka hî!

Sawal la giled’a 49:19

Kid’a mi nga ki iramba, nga mi subur tamu, ata yima mi nga kur haheî mambina, suma a suburum mi.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Zla d’a d’ogolâ 3:2

Kayam azi mba ing burung fiyaka, ang mba le bizad’a ablaud’a yam andagad’a ki b’leng nga halasa.

Zla d’a d’ogolâ 4:22

Kayam azi narid’a hi suma a fazina, a ni lafiya d’a yam hliwizid’a pet mi.

Zla d’a d’ogolâ 8:35

Kayam sama fana mi fe narid’a, Ma didina mba mi wum hohowom mi.

Ma tchi wala 2:3

An nga hurun á le furîd’a ki süm guguzlud’a á ndjun vun suma lilid’a. Hina pî, an nga ni te yam hliwinu. An min á wäd’u vama djivi ma suma a nga lum yam andagad’a ka hî ki kak mazi d’a yam andagad’a ka hid’a.

Matiye 19:17

Jesus mi dum ala: Ni kayam me ba, ang djobon yam vama djivina ge? Ma djivina ni tu go. Wani le ang min kal kur arid’a ni, ang ge yang kä ad’u vun ma hed’a hAlonina.

Marik 8:35

Kayam nge nge pî ma nga mi min á sut tama, mba mi ba tam mbeyo. Wani nge nge pî ma ba tam mbei kan an yam Zla d’a Djivid’a mi na, mba mi sut tam mi.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Jean 12:25

Sama le yam tama, mba mi ba tam mbeyo, wani sama noî tam mbei kur duniyad’ina, mba mi fe ari d’a didinda.

Gat ta a hat á mbàd’id’a 32:47

Kayam vun ma he máma ni vama hawa ya’â kagi d’i. Ni ari magid’a. Ni kayam mam ba, agi mba tagi tatâ yam ambas sa agi nga djagagi alum ma Jurdê-na á hlat wanda.

Jacques 1:26

Le sama ding djib’er ala mam he gagazid’a yam Alona, wani le nga mi ngom sinam mbuo ni, mi lop mi tamu, he gagazi mam mba yam Alonid’a ni hawa.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

Vama ndum mbeina 14:5

Azi ni suma bei ka zlad’a, ni suma bei zlad’a kazi ba na mi.