1 Pierre 2:25 - Bible azumeina

²⁵ Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

1 Pierre 2:25 Iomraidhean Croise

Sawal la giled’a 119:176

An vit tei d’igi timi ma vit teina na; ang halan an azong mangâ, kayam an mar nga yam vun mang ma hed’a d’i.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Isai 13:14

Kur bur máma, nge nge pî mba mi hulong ad’u andjavamu, nge nge pî mba mi ring kur ambas mamba d’igi duk ka nga d’i tcha tatad’a na, d’igi d’uwar ma sama polom nga d’uo na na mi.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Jeremi 23:2

Kayam ndata, an Ma didina Alona hi Israel-lîna, nga ni de mi suma a nga pol sum manina ala: Agi ndjoyôgi tumiyô mana woyo, agi arazi á vit teyo, agi tinigi nga humagi kazi d’i. Gola! An nga ni mba á ngobogi yam sun nda asa’at ta agi lata! An Ma didina ni de na!

Ezekiyel 34:6

Tumiyô mana a nga dau akulo yam ahuniyô suma nglona, akulo yam yima ndingâ mi. Tumiyô mana a b’rau wa woi kur ambasa pet, wani sama mi djib’er kazina nga d’i, sama halazina nga d’uo mi.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 18:12

Agi djib’eregi nana? Le sana mi nga ki tumiyôna kis, ma dingâ tu adigazi mi vit teyo ni, sa máma mba mi ar suma dok zlengâ yam zlengîna yam ahinad’a, mi i á hal ma vit teina d’uo zu?

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 5:2

Mam tamba nga mi we hohowa suma bei wed’a ki suma vit teina, kayam mam tamba ni ma amangeîna.

1 Pierre 3:20

Azi ni muzu’â hi suma a hum nga vun Alona adjeu d’uo ata yima mi ve tam tatâ kur burâ hi Noe-na kid’a mi nga mi min batod’ina. Kur bato ndata suma tcha, nala, klavandi, a fe suta aduk mbiyo ma kus máma.

1 Pierre 5:4

Fata Ma ngol ma kal tegles ma pol tumiyôna mi nde woid’a, agi mba fagi avaval la subura bei wile mata dap pei ba d’a.