1 Pierre 2:23 - Bible azumeina

²³ Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

1 Pierre 2:23 Iomraidhean Croise

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Sawal la giled’a 10:14

Wani ang tang nga we suma ndaka ki suma a nga kid’eyêzi irazina, ang nga tin irang kazi á ndjunuziya. Sama hohoud’a mi deng tamî atangû; angî ma ndjun sama hokuyod’ina.

Sawal la giled’a 31:5

Ang mba sud’un ndei kur dau ma azi gunum kä gumun avorona, kayam angî sama ngomona.

Sawal la giled’a 37:5

Ang ar zla manga mi Ma didina, ang deng tang atamu; mam mba mi le sunda kat mi.

Sawal la giled’a 7:11

Alona ni mbarei man nda ngomonda, ni ma sut suma a humum vunama.

Sawal la giled’a 96:13

kayam nga mi djïya! Nga mi djï á ka sariyad’a yam andagad’a, mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Wana ni Zla d’a Djivi d’a Luc mi b’irita 23:41

Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.

Wana ni Zla d’a Djivi d’a Luc mi b’irita 23:46

Jesus mi er ad’um akulo ki delem mba ngola ala: Abunu, an hang muzugan abongû. Ata yima mi de hina dana, mi duk vunamu.

Wana ni Zla d’a Djivi d’a Luc mi b’irita 23:9

Mi djobom zlad’a ngola, wani Jesus mi hulongôm nga zla d’a ded’a balum mbi.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Sunda hi suma a sunuzinid’a 4:29

Ki tchetchemba Salad’a, ang gol ngop mazid’a, ar ami azungeî mangâ ami dami zlad’a ki hur ma ade’esâ.

Sunda hi suma a sunuzinid’a 7:59

Kid’a azi nga dur Etienne kahinad’a tua d’a, mi tchen ala: Salad’a Jesus, ang hlan muzuganu.

Sunda hi suma a sunuzinid’a 9:1

Wani Saul nga mi gurut ki ngopa ndandaleî á tchi suma hata hi Salad’ina. Mi i gen ma ngol ma ngat buzuna,

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Efes-sâ 6:9

Agi suliyozina, agi lazi hina mi. Agi aragi ngopa woyo, kayam agi wagi ala azi ki agi djak, Salagi ma sä akulona nga mi pat sana yam iram go d’i.

2 Tasaloni’â 1:5

Wana ni simata yam sariyad’a hAlona d’a d’ingêra ala agi ni suma ndak yam leu mam mba agi nga fagi ndaka kata na.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Hebre-na 12:3

Agi djib’eregi yam mam ma ve tam ad’enga abo suma tcho suma a kak djangûna ki sed’ema. Ar agi kawagi d’i, ar tagi tchuk lus suo mi.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.