1 Pierre 2:17 - Bible azumeina

¹⁷ Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

1 Pierre 2:17 Iomraidhean Croise

Ad’u Tinda 20:11

Abraham mi hulong dum ala: An djib’er ala suma ka hina a nga le mandara Alona d’i, a mba tchan yam amanda.

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Ad’u Tinda 42:18

Kur bur ma hindina Josef mi dazi ala: An ni sama le mandara Alona; le agi min sud’ugi tagiya ni, agi lagi hina.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Buzuk ka Abud’a 20:12

Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Zla d’a d’ogolâ 23:17

Ar ang le d’od’oka yam tcho d’a suma le tchod’a a nga lata d’i, wani ang le ni mandara Ma didina burâ ki burâ.

Zla d’a d’ogolâ 24:21

Gorona, ang le mandara Ma didina kamulâ. Ar ang zlap tang ki suma a hal huneîd’a heîna d’i.

Ma tchi wala 8:2

An nga ni dangû, ang ngom vun ma hed’a hamulîna, kayam gun nda ang gunum tang avok Alonid’a.

Sunda hi suma hi Levi-nid’a 19:32

Ang tchol akulo avok sama mamarâ, ang hum ngola, ang ring mandara an Alo mangâ, kayam an ni Ma didina.

Zakari 11:14

Bugola, an kus totogo man nda mbà d’a a yat ala Zlap pa tud’a d’a woi á wal darigï d’a wiyed’a woi aduk suma Juda-na ki Israel-lîd’a.

Matiye 22:21

A hulong dum ala: Ni hi Sesar-ra. Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.

Jean 13:35

Le agi nga lagi od’a yam tagiya ni, suma pet a mba wala agi ni man suma hata.

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

Romê-na 13:7

Ar agi hagi mi nge nge pî va mama. Agi hagi tara mi sama tara, agi hagi dalalana mi sama tar dalalana, agi gagi yagi kä avok sama ndak agi gagi yagi kä avoroma, agi hugi sama ndak á hud’ina mi.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Efes-sâ 5:21

Ar agi gagi yagi kä ad’u tagi d’igi agi gagi yagi kä avok Christ na mi.

Filip-ma 2:3

Ar agi lagi va ki tuguyod’a d’oze ki subur ta d’a hawa yaka d’i. Wani agi gagi yagi kä avok tagiya, ar nge nge pî adigagi mi we ndrama ala mi kalamu.

1 Timote 6:1

Ar suma a nga kur magombina pet a ge yazi kä avok suliyozina d’igi suma ndak á hud’ina na, kayam azi ngul simiyê Alona ki hat meid’a d’i.

Hebre-na 13:1

Ar agi lagi yam tagi teteu d’igi b’oziyo tagi na.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 2:13

Ar agi gagi yagi kä ad’u vun ma hed’a hi sumina yam Salad’a, le namul ma ngol ma nga kad’eng nga kal teglesina,

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Samuel 15:30

Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ.