1 Pierre 2:15 - Bible azumeina

¹⁵ Wani ni minda hAlonid’a kayam sun magi d’a le d’a djivid’a ba, agi nga d’elegi lilid’a hi suma bei wed’id’a.

1 Pierre 2:15 Iomraidhean Croise

Wana ni mbaktumba hi Job-pa 2:10

Wani Job mi dat ala: Ndak de ni d’igi atcha d’a lilid’a na! Le ei vei djivid’a abo Alona ni, ei ndak á vei tchod’a abom mi d’uo zu? Hina pet pî, Job mi le nga tchod’a ki zla d’a avunamba d’i.

Wana ni mbaktumba hi Job-pa 5:16

Wani suma talala a nga ki hur ma tinda, suma murud’umba a du’î vunazi akulo.

Sawal la giled’a 107:42

Suma d’ingêrâ a we hina, a le furîd’a; suma bei d’engzengâ vunazi mi seng silil mi.

Sawal la giled’a 5:5

Angî Alo ma tang nga d’i lang djivid’a yam tchod’a d’uo na; sama asa’atna nga mi kak ki sed’eng nguo mi.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Matiye 25:2

Vahl adigazi ni suma lilid’a, vahl ni suma ned’a.

Matiye 7:26

Wani sama lara ma hum zla man nda an data ma le sunda kat tuo na, mi hle tamî d’igi sama lili ma mi min gong mamba yam lesîna na.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Galat-na 3:1

Agi Galat suma lilid’a, sama mbud’ugi iragi ni nge ge? Agi suma a tchagi wal matna hi Jesus Christ mám ma ata agu ma b’ala woi pid’a’â,

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?

1 Tasaloni’â 4:3

Wana ni vama Alona mi minima: Ar agi kagagi ni suma mi tinigi iragi vagina ala ar agi walagi woi ki mizeuna,

1 Tasaloni’â 5:18

Agi lagi mersi mAlona yam ahlena pet. Wana ni minda hAlona d’a yam kak magid’a zlapa tu ki Jesus Christ.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

Wana ni mbaktum mba Paul mi b’irit mi Tit-ta 2:8

Ang de ni zla d’a irata bei sana mi vang ki zla d’a bad’a, kayam mang suma djangûna a mbut zulona tala a de zla d’a tchod’a kei d’uo d’a.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

1 Pierre 3:17

Djivid’a, le agi nga fagi ndaka yam sun nda djivid’a ni, ndata ni minda hAlonid’a, kal la agi fagi ndaka yam tchod’id’a.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.

2 Pierre 2:12

Wani sum ndazina a nga tit kur djib’er mazid’a d’igi ahle suma abagei suma a vud’uzi á vazi á tchid’ina na. Azi nga ngul vama azi wum nga ad’um mbuo na, azi mba ba woi d’igi ahle suma abageina na mi.

Jude 1:10

Wani sum ndazina a nga ngul vama azi wum mbuo na kahle suma azi wazi kur djib’er mazid’a d’igi ahle suma abagei suma bei djib’era na na, a nga b’lak kei kur ahle ndazina.