1 Pierre 1:23 - Bible azumeina

²³ Kayam a vud’ugi vut ta awilid’a nata abuyoi suma matna nga kal kazina d’i, wani ni kandjaf ma bei matna, nala ki zlad’a hAlona d’a ari d’a didinda.

1 Pierre 1:23 Iomraidhean Croise

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Sunda hi suma hi Levi-nid’a 11:37

Le harazi mi nde ni yam andjaf ma a zaram kä na ni, andjaf máma mba mi arî yed’et.

Malatchi 2:3

Gola! An mba ni ngobogi andjavagiya, an mba ni kogi sutna iragiya – sud’o ahle suma agi ngad’andji buzunina; a mba yogi ki sed’em mi.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Wana ni Zla d’a Djivi d’a Luc mi b’irita 8:11

Jesus mi had’azi kua ala: Ad’u zla d’a d’ogol ndata ba wana: Andjafâ ni zlad’a hAlonid’a.

Jean 1:13

Sum ndazina, a vud’uzi nga ni vuta hi suma d’igi sana mi vut goroma na d’i, wani Alona mi vud’uzi ni mamu.

Jean 1:3

Alona mi lahlena pet ni ki ndad’u. Vama tu ma mi lum bei ndatna nga d’i.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Jean 3:5

Jesus mi hulong dum ala: Gagazi, an nga ni dangû, le a vut nga sana ki mbina ki Muzu’â hAlonina d’uo ni, mi ndak á kal kur leud’a hAlonid’a d’i.

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Romê-na 1:23

Azi nga subur Alo ma bei matna ba na d’i, wani a nga suburî angusa hi sama matna kaluweina kahle suma lara ge pet suma asezi fifid’ina kahle suma a dram kä na mi.

Hebre-na 4:12

Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

1 Pierre 1:25

wani zlad’a hi Salad’id’a mba d’i kak didin. Ni Zla d’a Djivi d’a a tchagizi walata.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

1 Jean 3:9

Nge nge pî ma Alona mi vud’uma, nga mi i avok kur tcho d’a led’a d’i, kayam mi hle ni zlad’a hAbum Alonid’a. Nga mi i avok kur tcho d’a led’a d’uo d’a, kayam Alona mi vud’um mi mamu.

1 Jean 5:18

Ei wei ala sama Alona mi vud’uma, nga mi le tchod’a d’i, wani Alona Goroma nga mi ngomomu, Ma tchona mi ndak á lum va d’uo mi.