1 Pierre 1:19 - Bible azumeina

¹⁹ Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.

1 Pierre 1:19 Iomraidhean Croise

Buzuk ka Abud’a 12:5

Agi ndak á vagi gor timina d’oze gor b’ë ma bei daka ma bizam tuna.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Sunda hi suma hi Levi-nid’a 22:20

Ar agi hagi vama daka vama ngat buzuna mi an Ma didina d’i, kayam an nga ni vum abogi d’i.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Matiye 26:28

kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 1:36

Mi we Jesus nga mi kala, mi dazi ala: Agi gologi Gor timina hAlonina.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Romê-na 3:25

Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Kolos-sâ 1:14

Ni Ma wurak keina, ni Ma hurum vat tei yam tcho meid’a mi na.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Vama ndum mbeina 14:5

Azi ni suma bei ka zlad’a, ni suma bei zlad’a kazi ba na mi.

Vama ndum mbeina 5:6

An we Gor timi ma hle tamî d’igi ma tchuma na na mi nga tchola aduk zlam mba amula kahle suma ari suma fid’ina ki suma nglona. Mi nga kadifa kid’iziya ki ira kid’iziya mi, azi ni muzuk ma kid’iziya ma hAlona ma mi sunum mbei yam andagad’a petna.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.