1 Jean 5:7 - Bible azumeina

⁷ Suma a le glangâsâ kama ni hindi,

1 Jean 5:7 Iomraidhean Croise

Sawal la giled’a 33:6

Ma didina mi lakulod’a ni ki zla mam mba ded’a, mi lahle suma kurutna pet ni ki zla d’a ndeï avunamba.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 18:16

Wani le mi humung nga d’uo ni, ang ve sana tu d’oze mbà, kayam glangâsâ hi suma mbà d’oze hi suma hindina ni zla d’a ndaka.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Jean 1:1

Avok ka Alona mi le nga va tu d’uo tua d’a, Zlad’a nga. Zla ndata ti nga zlapa kAlona, Zla ndata tata nAlona.

Jean 10:30

Ami kAbun ni tu.

Jean 12:28

Abunu, ang subur simiyêngû. Kayam ndata, dela ti tcholï akulo ti dala: An suburum wa da’, an mba hulong suburum kua d’ei.

Jean 14:17

Mam mi Muzuk ma tak gagazid’a hAlonid’a woi ma suma duniyad’a a ndak á vum kuruzi d’uo na, kayam a golom nga d’i, a wum nga d’uo mi. Wani agiya, agi wumu, kayam mi nga zlapa ki sed’egiya, mba mi kak kurugi mi.

Jean 15:26

Ma ndjun ma an mba ni sunugizï gen Abuna, nala, Muzuk ma tak gagazid’a hAlonid’a woina, mba mi mba. Mba mi tcholï gen Abunu, mba mi le glangâsâ kanu.

Jean 5:26

D’igi Abun tamba ni sala arid’a na, mi tinin an tan Goroma ni sala arid’a mi.

Jean 8:18

An ni ma nga ni le glangâsâ yam tana, Abun ma sununïna nga mi le glangâsâ kan mi.

Jean 8:54

Jesus mi hulong dazi ala: Le an subur tanu ni, subur manda ni hawa yak. Ma suburuna nAbunu, ni mam ma agi nga dagi ala mam nAlo magina na.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 5:32

Ami ni suma glangâsâ yam ahle ndazina, zlapa ki Muzuk ma bei tchod’a ba ma Alona mi hum mi suma a ge yazi kä ad’uma.

Gat ta a hat á mbàd’id’a 6:4

Agi Israel-lâ, agi humugiya! Ma didina Alo meina ni Ma didina tu.

1 Jean 1:1

Ami nga b’irigi yam Zla d’a Ari d’a nga avok ahle suma lazina peta. Ami humud’u, ami wamizi ki iramiya, ami golod’u, ami dot kabomi mi.

1 Jean 5:6

Jesus Christ ni ma mba ki mbina hi batem mamba ki buzuna hi mat mamina. Mi mba ni ki mbina hol li, wani ki mbina ki buzuna mi. Muzu’â hAlonina tamba ni ma nga mi le glangâsâ kama, kayam Muzu’â ni ma gagazina.

1 Jean 5:8

nala, Muzuk mama ki mbina ki buzuna; azi hindi zla mazid’a ni tu.

Vama ndum mbeina 19:13

Mi tchuk baru d’a fiyak ka ti tib’ak ki buzunid’a atamu. A yum ala Zlad’a hAlonid’a.