1 Jean 5:19 - Bible azumeina

¹⁹ Ei wei ala ei ni suma Alona mi vud’ina, duniyad’a pet nga nabo Ma tchona mi.

1 Jean 5:19 Iomraidhean Croise

Wana ni Zla d’a Djivi d’a Luc mi b’irita 4:6

Mi dum ala: An mba ni hang ad’eng nga wanda pet ki ndjondjoîd’a hi leu ndatid’a pet mi, kayam Alona mi han ahle ndazina pet nabonu. An ndak á hazi mi sama an minima.

Jean 12:31

Ki tchetchemba, sariyad’a nga yam duniya ndata, an mba ni dik ma te yam duniya ndatina woi abua.

Jean 14:30

An dok de zla ki sed’egi ngol luo d’a, kayam ma te yamba hi duniyad’a nga mi djïya. Mi nga kad’enga kan ndi,

Jean 16:11

yam sariyad’a kayam Alona ka wa sariyad’a yam ma te yam duniyad’ina da’.

Jean 17:15

An nga ni tcheneng ala: Ang yozi woi kur duniyad’a na d’i, wani, Ang ngomozi abo Ma tchona.

Romê-na 8:16

Muzu’â hAlonina tamba nga mi le glangâsâ kur muzugei ala ei nAlona groma.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

1 Jean 3:14

Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.

1 Jean 3:24

Sama nga mi ngom vun ma hed’a hAlonina, mi nga ni kaka zlapa tu kAlona, Alona tamba mi nga kaka kurum mi. Ei wei ala Alona nga kaka kuri ni yam Muzuk mam ma mi heizina.

1 Jean 5:10

Sama he gagazid’a yam Alona Goromina, mi nga ki glangâs mama kurumu. Sama he gagazid’a yam Alona d’uo na, mi mbut Alona ni ma ka zlad’a, kayam mi he nga gagazid’a yam glangâs ma Alona mi lum yam Goromina d’i.

1 Jean 5:13

An b’ir ahle suma wana mi agi suma hagi gagazid’a ki simiyê Alona Goromina, kayam agi wagi ala agi nga kari d’a didinda.

1 Jean 5:15

Le ei wei ala nga mi humi yam me pî ma ei tchenem kama ni, ei wei ala nga mi heiziya mi.

1 Jean 5:18

Ei wei ala sama Alona mi vud’uma, nga mi le tchod’a d’i, wani Alona Goroma nga mi ngomomu, Ma tchona mi ndak á lum va d’uo mi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 20:3

Malaikana mi gum kur zul la yiyika, mi dugum vunam ki lakled’a, mi kat geuna, kayam dragon máma dok mi vit andjaf suma woi d’uo d’a gak biza d’a dubud’a ndak tua. Bugola, a mba bud’um akulo á kak ndjö.