1 Jean 5:10 - Bible azumeina

¹⁰ Sama he gagazid’a yam Alona Goromina, mi nga ki glangâs mama kurumu. Sama he gagazid’a yam Alona d’uo na, mi mbut Alona ni ma ka zlad’a, kayam mi he nga gagazid’a yam glangâs ma Alona mi lum yam Goromina d’i.

1 Jean 5:10 Iomraidhean Croise

Wana ni mbaktumba hi Job-pa 24:25

Le hina d’uo ni, ni nge ba, mba mi dala an ni ma ka zlad’a ba, mi mbud’un zla manda zla d’a hawa yaka ge?

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Zla d’a d’ogolâ 3:32

Kayam Ma didina nga mi gol suma a nga le zla d’a ata yat tuo d’ina is, wani mi ni suma iratna banazina.

Isai 53:1

Ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge?

Jeremi 15:18

Ni kayam me ba, ndak manda nga d’i i avogovok ke? Ni kayam me ba, mbil man ma bei tchila ba na mi min tchil luo ge? Ang mba mbut kan ni d’igi mbiyo ma lau ma lobon irana na, d’oze d’igi mbiyo ma lau ma sa nga mi tin hurum kam mbuo na na zu?

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 3:18

Sama he gagazid’a kama, sariyad’a nga d’i vum mbi, wani sama he gagazid’a kam mbuo na, sariyad’a ti vum wa da’, kayam me mi he nga gagazid’a yam Alona Gorom ma tu gid’engâ d’i.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Jean 5:38

Zla mamba nga kaka kurugi d’i, kayam agi nga hagi gagazid’a kan an ma mi sununïna d’i.

Sunda hi suma a sunuzinid’a 8:37

Filip mi hulong dum ala: Ang le he gagazid’a ki hurung ped’u ni, ang ndak á le batemba. Sa máma mi hulong dum ala: An he gagazid’a ala Jesus Christ nAlona Goroma.]

Romê-na 8:16

Muzu’â hAlonina tamba nga mi le glangâsâ kur muzugei ala ei nAlona groma.

Galat-na 4:1

Gola! An nga ni dagiya, ata yima gor ma te djona habuma nga gogora tua na, mi wal nga ki magoma d’i, hina pî mam mi sala ahlena pet.

Galat-na 4:6

Kayam agi mbud’ugi groma, kayam ndata, Alona mi sunï Muzu’â hi Goromina kuri ma nga mi zud’i á yi ala Aba, nala, Abunu.

Kolos-sâ 3:3

kayam agi bogi wa woyo, ari magid’a sä ngeid’a zlapa tu ki Christ abo Alona.

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

2 Pierre 1:19

Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.

1 Jean 1:10

Le ei dei ala: Ei lei nga tchod’a d’uo ni, ei mbut Alona ni ma ka zlad’a, zla mamba nga kuri d’uo mi.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

Vama ndum mbeina 12:17

Dragona mi mbut ayîna, mi kak djangûna katcha ndata, mi i á dur ayîna kandjavat ma arâ ki suma pet suma a ge yazi kä ad’u vun ma hed’a hAlonina ki suma d’engzeng suma a nga tit yam gagazi d’a Jesus mi ndat teid’ina.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Vama ndum mbeina 2:28

An mba ni hazi avevel ma fo yina mi.