1 Jean 4:9 - Bible azumeina

⁹ Wana ni od’a hAlona d’a mi tageizi woid’a: Alona mi sunï Gorom ma tu gid’engâ kur duniyad’a, kayam ei kagei karid’a kamu.

1 Jean 4:9 Iomraidhean Croise

Ad’u Tinda 22:2

Alona mi dum kua ala: Ang ve gorongâ Isak ma tu gid’eng ma ang le kam heîna, ang i yam ambas sa Moriya-d’a, ang handji vama ngat buzu ma ngala yam ahina d’a an mba ni tagangzid’a.

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Marik 12:6

Ma ding ma ar tuna ni gorom ma hurum vum heîna. Mi sunumï gevezi á dabid’a kis. Mi dala: Azi mba le zulo gorona.

Wana ni Zla d’a Djivi d’a Luc mi b’irita 4:18

Muzu’â hi Salad’ina mi nga kanu, kayam mi von mbulâ kan mi tinin iran van ná tchi wal Zla d’a Djivid’a mi suma houd’a. Mi sunun á tchi wala mi suma a yozi magombina á tchuguzi akulo, á mal ir suma duka woyo, á tchuk suma a nga lazi ndakina akulo,

Jean 10:10

Ma kula mi mba ná kula, ná tchi matna, ná b’lak ahlena mi. An mba ni kayam azi fe arid’a, a fat kam kua kam kua.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 3:18

Sama he gagazid’a kama, sariyad’a nga d’i vum mbi, wani sama he gagazid’a kam mbuo na, sariyad’a ti vum wa da’, kayam me mi he nga gagazid’a yam Alona Gorom ma tu gid’engâ d’i.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 6:29

Jesus mi hulong dazi ala: Wana ni sunda hAlonid’a: Ar agi hagi gagazid’a kan an ma Alona mi sununïna.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Jean 6:57

D’igi Abun ma arina mi sununï an nga karid’a yam Abun mi na, sama tana mba mi kak karid’a kan an mi.

Jean 8:29

Mam ma sununïna, mi nga ki sed’enu, nga mi aran van ndi, kayam an nga ni lahle suma lum tam djivid’ina burâ ki burâ.

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Jean 9:3

Jesus mi hulong dazi ala: Ni yam tcho mamba d’oze ni yamba hi simiyêmba d’uo mi, wani ni kayam á nde ki sunda hAlonid’a woi abu kamu.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Hebre-na 1:5

Ni malaika ma lara ba, Alona mi dum yam tu ala: Angî Gorona, an vud’ung ini ge? Mi de nga mi malaikana ala: An mba ni ka’î Abumu, mam mba mi ka’î Gorona d’i?

1 Jean 3:16

Christ mi he tam mbei keya. Kayam ndata, ei wei wa od’a, mbeî ei teid’a hei tei woi yam b’oziyoina na mi.

1 Jean 4:10

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.

1 Jean 4:16

Hina, ei wei od’a hAlona d’a mi lat keid’a. Kayam ndata, ei hei gagazid’a kad’u. Alona tamba ni od’a. Sama nga mi le od’ina, mi nga ni kaka zlapa tu kAlona, Alona mi nga kaka kurum mi.

1 Jean 5:11

Wana ni glangâs mama ala: Alona mi hei wa ari d’a didinda, ari ndata ti nga kur Goroma.

1 Jean 5:13

An b’ir ahle suma wana mi agi suma hagi gagazid’a ki simiyê Alona Goromina, kayam agi wagi ala agi nga kari d’a didinda.